وەزارەتا به‌رگریێ یا ترکیێ راگهاند، ل باکورێ سووریێ دو لەشکەرێن وان د ئێرشا یه‌په‌گێ دە هاتنە کوشتن.
وەزارەتا به‌رگریێ یا ترکیێ د داخویانیەکێ دە راگهاند، دوهی د ئێرشەکە یه‌په‌گێ دە دو لەشکەرێن وان ل باکورێ سووریێ بریندار بوون، پشتی کو ئەو ژ بۆ نەخوەشخانەیێ هاتن راكرن، ژیانا خوە ژ دەست ددن.
دوهـ ژی وەزارەتا بەرەڤانیێ یا ترکیێ د داخویانیەکە دن دە راگهاندبوو، 7 شەرڤانێن یه‌په‌گێ د ئێرشا وان دە هاتنە کوشتن.
هەروها دوهـ ژی د ئێرشێن درۆنێن ترکیێ دە ل گرێ سپی و عەین عیسایێ، سەرکردەیەکی هه‌سه‌دێ ژیانا خوە ژ دەست دابوو و دو سڤیل ژی بریندار ببوون.
دەمەکە ترکیە گەفا ئۆپەراسیۆنەک نوو ل سەر تل رفعت و منبجێ دخوە و ترکیێ و گرووپێن چەکدارێن سەر ب وێ ڤە ئێریشێن خوە یێن ب رێیا درۆنان ل سەرانسەری رۆژئاڤایێ کوردستانێ زێدە کرن.
