درۆنه‌كا تركیێ 2 ئه‌ندامێن ئاسایشا په‌یه‌دێ كوشتن

pyd-asaish-rojava-turkey-eyn-isa

بالافرێن بێمرۆڤ یێن ده‌وله‌تا تركیێ ئیرۆ ل باشوورێ عه‌ین عیسا یێ رۆژئاڤا كوردستانێ، ئۆتۆمۆبیله‌ك بۆمبه‌باران كرن و د ئه‌نجامێ ده‌ 2 ئه‌ندامێن ئاسایشا په‌یه‌دێ هاتن كوشتن‌.

درۆنەکە ئارتێشا ترکیێ ئیرۆ رۆژا پێنجشه‌می 28\7\2022ێ ئۆتۆمۆبیلەک ل باشوورێ ناڤچه‌یا عەین عیسایێ بۆمبەباران کر و د ئه‌نجامێ ده‌ 2 ئه‌ندامێن ئاسایشا په‌یه‌دێ هاتن كوشتن‌ و دو ژی ب گرانی بریندار بوون.

د ڤێ ده‌ربارێ ده‌ ئاساییشا په‌یه‌دێ یا ب ناڤێ هێزێن ئەولەکاریا هوندرین راگهاند، درۆنەکە ئارتێشا ترک ئۆتۆمۆبیلەک ل نێزی کامپا تل ئەل سەمن یا کۆچبەرێن گرێ سپی، ل باشوورێ باژارۆکێ عەین عیسا کرە ئارمانج.

دیار کر ژی، د ئەنجاما ئێریشێ دە، 2 ئەندامێن هێزێن وان هاتن کوشتن کو یەک ژ ناڤا وان ژنە و 2 ئەندامێن دن ژی ب گرانی بریندار بوون.

پوستێن ھەمان بەش