رێخستنا په‌كه‌كێ ئیرۆ وه‌كه هه‌ر رۆژ ناسنامه‌یا 3 چه‌كدارێن خوه ئه‌شكه‌ره كر كو 5 سالان به‌رێ ب ده‌ستێ ئارتێشا تركیێ دانه كوشتن و ژ نووڤه مرنا وان راگهاند.
هه‌په‌گێ باسكێ له‌شكه‌ری یێ په‌كه‌كێ ئیرۆ رۆژا شه‌می 30/7/2022ێ، ناسنامه‌یا 3 چه‌كدارێن خوه یێك ژێ زارۆك ئه‌شكه‌ره كر كو ل 15 ئیلۆنا 2017ێ ل چیایێ جوودی دانه كوشتن و پاش ده‌رباسبوونا 5 سالان ژ نوو مرنا وان ئیفشا كر.
ناڤێن ڤان چه‌كداران وسایه:
داوود چه‌لیك ژ مێردینێ، ئیبراهیم گونه‌ن ژ قه‌رسێ و بارش ئه‌ركۆل ژ وانێ.
رێخستنا په‌كه‌كێ هه‌ر رۆژێ وێنه‌یێن كۆمێن كه‌چ و خۆرتێن كورد د مه‌دیایا خوه ده پارڤه دكه كو ل سالێن به‌رێ د به‌رخوه‌دانا خوه یا ساخته ده فه‌دا كرنه و پاش ده‌رباسبوونا سالان ژ نوو دبێژه مه ئه‌و وه‌ندا كرنه.
ل گۆری ئاگاهیێن پێگه‌ها داركا مازی، هێژان ب هه‌زاران كه‌چ، خۆرت و زارۆكێن كوردان مانه كو په‌كه‌كێ د سالێن به‌رێ ده به‌رێ وان دایه مرنێ و هێژان ژی مرنا وان ل مالباتێن وان ڤه‌دشێره، په‌كه‌كه هه‌ر رۆژ وێنه‌یێن هنه‌ك ژ وان د مه‌دیایا خوه ده پارڤه دكه و دبێژه مه ئه‌وقاس ملیتانێن هێژا یێن ئاپۆ وه‌ندا كرنه!.
