ل ئامه‌دێ ئۆپه‌راسیۆن دژی په‌كه‌كێ هات ده‌ستپێكرن

ئارتێشا تركیێ ل سینۆرێ ئامه‌دێ یا باكورێ كوردستانێ ئۆپه‌راسیۆنا ب ناڤێ ئه‌ره‌ن دۆرپێچ ل دژی رێخستنا په‌كه‌كێ ده‌ست پێ كر.

وەزارەتا کارێن ناڤخوەیی یا تركیێ ئیرۆ رۆژا یه‌كشه‌می 31/7/2022ێ راگهاند؛ ژ بۆ کو په‌كه‌كه‌ ژ وه‌لات وەرە دەرخستن، ئۆپەراسیۆنا ئه‌ره‌ن دۆرپێچ ل سینۆرێ ئامه‌دێ ب به‌شداریا 1021 چه‌كدارێن هێزێن تایبه‌ت، جه‌ندرمه‌ و گونپارێزان هات ده‌ستپێكرن.

 د رۆژا ئەول یا ئۆپەراسیۆنێ دا ل دەڤەرێن چیایی یێن تاخێن دیبەک و یۆلچات یا ناڤچەیا لجێ، 87 دەڤەرێن کو پێش دا هاتبوون تەسبیتکرن، کۆنترۆل و لێگەرین هات کرن.

ئۆپەراسیۆنێن ترکیێ نێزیکی ساله‌كێ یه‌ ب ناڤێ ئۆپەراسیۆنێن «ئەرەن» ل ناڤچەیێن جودا یێن سینۆرێ پارێزگەهێن ئامەد، مێردین، دێرسم، شرنەخ، جۆلەمێرگ، ئاگری، بەدلیس، ئیدر، قەرس، ئەردەخان و چەند ناڤچەیێن دن یێن باکورێ کوردستانێ دەستپێ کرنە و بەردەوامن.