دو زارۆکێن کورد ژ ئالیێ ھێزێن ئیرانێ ڤە ھاتن کوشتن و دایک و بابێن وان ژی ھاتن گرتن.
ھێزێن پۆلیسێن ئیرانێ شەڤا بۆری ل سەر رێیا «خورەمئاوا» یا پاریزگەها لۆرستانێ ئۆتۆمۆبیلا وەلاتیەکێ خەلکێ گوندێ «قولقولا» یێ گرێدایی پارێزگەھا مەریوانێ کو دو زارۆک ژی تێدا بوون گولـلەباران کرن. ھەر دو زارۆکێن ب ناڤێ ھادی و مەتین رەشیدی مەنش 9 و 13 سالی ژ ئالیێ ھێزێن ئیرانێ ڤە ھاتن کوشتن.
ل گۆر ئاگاهیان، ناڤێ شۆفێرێ وێ ئۆتۆمۆبیلێ رەحمان رەشیدی مەنشە، ئەو و ھەڤژینا وی ژ ئالیێ ھێزێن پۆلیسێن «خورەمئاوا» ڤە ھاتن گرتن.
پۆلیسێن لۆرستانێ ھەتا نھا دەربارێ بوویەرێ دا چ داخویانی نەدانە.
