ئارتێشا ترکیێ ل شەمزینانێ دەست ب ئۆپەراسیۆنێ کر

ئارتێشا ترکیێ پشتی تەقینا ل ناڤچەیا رووبارۆکێ یا شەمزینانا جۆلەمێرگێ، دەست ب ئۆپەراسیۆنێ کر.

دوھی ل ناڤچەیا رووبارۆکێ یا شەمزینانێ د دەما دەرباسبوونا کاروانەکێ ئۆتۆمۆبیلێن لەشکەری یێن ترکیێ دا تەقین روو دابوو. ل گۆر ئاگەھیان د تەقینێ دا ھەژمارەک لەشکەر بریندار بووبوون.

ئارتێشا ترکیێ ژی پشتی ڤێ تەقینێ، ل گوندێن بێگردێ، گەرکەت، ناڤرەزان و نەھری یێن ناڤچەیا رووبارۆکێ یا شەمزینانێ ل دژی پەکەکێ دەست ب ئۆپەراسیۆنێ کر.

ئۆپەراسیۆن ب بەشداریا لەشکەر و ھەلیکۆپتەران برێڤە دچە.

دوھ ژی پارێزگاریا جۆلەمێرگێ ب داخویانیەکێ ھەموو جوورەیێن چالاکیێن وەک خوەپێشاندان، مەش، گرەڤ، ژ بۆ 15 رۆژان قەدەغە کربوو.