د ئەنجاما ئێریشێن ھێزێن سەر ب ئارتێشا ترکیێ ڤە ل سەر باژارۆکێ تل رەفعەت و گوندێن وێ دا، کەچەکا عەفرینی ھاتە کوشتن.
ھێزێن سەر ب ترکیێ دوھی 1ێ تیرمەھێ باژارۆکێ تل رەفعەت و گوندێن دەردۆرا وێ دان بەر تۆپان و د ئەنجامێ دا کەچەک ب ناڤێ «فەھیما فەوزی رەشۆ» ھاتە کوشتن.
دیار کر ژی، فەھیما فەوزی رەشۆ ژ گوندێ «رەمەدانا» یا ناڤچەیا «مابەتا» یا عەفرینێیە و پشتی داگیرکرنا عەفرینێ ژ ئالیێ ئارتێشا ترکیێ و گرووپێن چەکدار ڤە، لگەل مالباتا خوە کۆچبەری گوندێن دەردۆرا تل رەفعەتێ بوو.
ئارتێشا ترکیێ و گرووپێن چەکدارێن سەر ب وێ ڤە، رۆژا 26ێ تیرمەھا بۆری باژارۆکێ تەل رەفعەتێ و گوندێن دەردۆرا وێ، ب زێدەتر ژ 50 تۆپان تۆپباران کربوو و د ئەنجامێ دە 5 وەلاتیێن سڤیل بریندار بووبوون و زیانێن مەزن گھیشتبوو مال و ملکێن خەلکێ.
دو مەھن ترکیێ گەفا دەستپێکرنا ئۆپۆەراسیۆنەکا نوویا لەشکەری ل تل رەفعەت و منبجێ دکە و ھێزێن زێدەتر ل نێزیکی وان ھەر دو ھەرێمان کۆم کرنە و ب ئاوایەکی بەردەوام تۆپباران دکە.
