ئاسایشا په‌یه‌دێ یا ب ناڤێ هێزێن ئه‌وله‌كاریا هوندرین ده‌ربارێ كوشتنا رایه‌دارێ په‌كه‌كێ و رێڤه‌به‌رییا خوه‌سه‌ر یێ ب ناڤێ نوسره‌ت ته‌بش داخویانی دا و گۆتی ئیسختباراتا تركیێ ئه‌و نه‌كوشتیه.
ئاژانسا فەرمی یا ترکیێ ئاژانسا ئاندۆلویێ رۆژا 30ێ تەمووزێ راگهاندبوو، کەسەک ب ناڤێ نوسرەت تەبش یێ ب ناسناڤێ روستەم، د ئۆپەراسیۆنەکە تایبەت یا میتێ دە ل باژارێ حه‌سه‌كێ یێ رۆژئاڤایێ کوردستانێ هاتیە کوشتن.
د نووچەیێ دە هاتبوو گۆتن، کو تەبش یەک ژ بکەرێن تەقینا 27ێ تەمووزا 2008ان یا ل ناڤچەیا گوونگوورەن یا ستەنبۆلێ یە کو د ئەنجامێ دە 18 کەس هاتبوون کوشتن و 154 کەس ژی بریندار ببوون.
دەربارێ مژارێ دە ئاسایشا په‌یه‌دێ داخویانیەک بەلاڤ کر و نووچەیا مەدیایا فەرمی یا ترکیێ رەد کر.
ئاسایشا په‌یه‌دێ گۆتیه كو ت تیمێن میتێ ئۆپه‌رایسیۆنه‌كه ب وی ئاوایی ل حه‌سه‌كێ ئه‌نجام نه‌دایه و ئه‌ڤ یێك ب تەمامی دووری راستیێ یە.
