ئیستیخباراتا په‌یه‌دێ 16 خەباتکارێن چاپەمەنیێ گرتنە

ئیستیخباراتا په‌یه‌دێ 16 خەباتکارێن چاپەمەنیێ گرتنە

تۆرا سووری یا مافێن مرۆڤ پشتراست کر کو ئيستخباراتا هێزێن سووریا دەمۆکراتیک هه‌سه‌دێ هەری کێم 16 مەدیاکار و رۆژنامەڤان، د ناڤ وان دا دو ژن، ل رەققا، ل باکورێ رۆژهلاتێ سووریێ، گرتنە.

تۆرا سووری یا مافێن مرۆڤات د داخویانیەکێ دا راگهاند « دەوریەیێن ئاساییشا په‌یه‌دێ پشتی کو د 30-07-2022ێ دا ل باژارێ رەققایێ لێگه‌رین ل پەی مه‌دیاكاران ده‌ستپێكری، هەری کێم 16 خەباتکارێن مەدیایێ، د ناڤ وان دا دو ژن، گرتنە، و دیار کر کو کەسێن گرتی ژ بۆ ئاژانسێن راگهاندنێ و سازیێن هەرێمی دخەبتن.

ده‌ستنیشان كر، ئاساییشا په‌یه‌دێ مه‌دیاكارێن بنچاڤکری ب سیخوریێ تاوانبارکرنه‌.

ل گۆری تۆرا سووری یا مافێن مرۆڤان هه‌سه‌ده‌ و په‌یه‌ده‌ سیاسەتەکا مینا رەژیما سووریێ د گرتنا كه‌سێن سڤیل و مه‌دیاكار و چالاكڤانان دا دمه‌شینه‌، هێزێن وێ بەرده‌وام ل بازار و جهێن گشتی دگه‌رن و لێگه‌رینان دكن، یان ژی ب سەر بارەگەهێن دەزگەهێن راگهاندنێ و رێخستنێن سڤیل ده‌ دگرن.

تۆرا سووری یا مافێن مرۆڤان ئاماژە ب وێ یەکێ ژی کر کو “هەژمارەک ژ گرتیان راستی لێدانێن توند هاتنه‌، و گەف ل وان هاتنه‌ کرن.

پوستێن ھەمان بەش