سێ چه‌كدارێن دن یێن رێخستنا په‌كه‌كێ ل هه‌رێما كوردستانێ، كه‌تن به‌ر ئێریشا ئارتێشا تركیێ و ژیانا خوه ژ ده‌ست دان.
ل گۆری ئاژانسا ئه‌نادۆلۆیێ یا ده‌وله‌تا تركیێ، ل ناڤچه‌یێن ئۆپه‌راسیۆنا ب ناڤێ په‌نجه كلیل یا كو ل زاپێ، ئاڤاشین و باسیانێ دژی په‌كه‌كێ ده‌ستپێكری، 3 چه‌كدارێن رێخستنێ هاتنه ئارمانج گرتن و ژیانا خوه ژ ده‌ست دایه.
مه‌دیایا تركیێ ته‌نێ گۆتیه كو ئه‌ڤ سێ چه‌كدارێن په‌كه‌كێ ل ناڤچه‌یێن ئۆپه‌راسیۆنێ هاتنه هه‌ده‌ف گرتن و جیهێ ئێریشێ ئه‌شكه‌ره نه‌كریه.
ژ هێلا خوه ڤه رێخستنا په‌كه‌كێ ئیرۆ کوشتنا 6 عه‌سكه‌ران ئیلان كر، لێ به‌لێ تو ئاماژه ب وه‌نداهیێن خوه ژ هێزا گه‌ریلایان نه‌دایه.
