ئەندامەکی ئەنجوومەنا لەشکەری یا تل تەمرێ یا گرێدایی هه‌سه‌دێ د ئەنجاما بۆمبەبارانا درۆنەکە ترکیێ دە هاتە کوشتن.
رەوانگەها سووری یا مافێن مرۆڤان بەلاڤ کر، درۆنەکە ترکیێ گوندێ تل جوما یێ ئاشووری یێ تل تەمرێ، ل پارێزگەها حەسەکێ بۆمبەباران کر و د ئەنجامێ دە ئەندامەکی ئەنجوومەنا لەشکەری یا تل تەمرێ هاتە کوشتن.
دیار کر ژی، هێزێن سەر ب ترکیێ ڤە گوندێ تەویلە یێ سەر ب تل تەمرێ ڤە دا بەر تۆپان، بێی کو چ زانیاریان ل سەر زیانێن جانی یێن وێ ئێریشێ دیار بکە.
ئەڤ یەک د دەمەکێ دە یە، د دەما داوی دە ئێریشێن بەژایی و ئاسمانی یێن ترکیێ ل سەر هەرێمێن رۆژئاڤایێ کوردستانێ و باکورێ سووریێ یێن د بن کۆنترۆلا هه‌سه‌دێ دە، زێدە بوونە.
هەڤدەم ل گەل گەفێن ترکیێ یێن ژ بۆ دەستپێکرنا ئۆپەراسیۆنەکە لەشکەری ل رۆژئاڤایێ کوردستانێ و باکورێ سووریێ، ئەنقەرە فەرماندارێن هه‌سه‌دێ و کادرۆیێن په‌كه‌كێ ل سەر خەتا سینۆر دکە ئارمانج.
