ل ھەرێمێن سینۆری لەشکەرەکێ ترک ھاتە کوشتن

ل ھەرێمێن سینۆری لەشکەرەکێ ترک ھاتە کوشتن

وەزارەتا بەرەڤانیا ترکیێ راگھاند، ل ناڤچەیێن سینۆری یێن ھەرێما کوردستانێ و باکورێ کوردستانێ د شەرێ لگەل پەکەکێ دا لەشکەرەک ھاتیە کوشتن.

د داخویانیا وەزارەتا بەرەڤانیا ترکیێ دا ھات راگھاندن کو ل ھەرێما ئۆپەراسیۆنا پەنجە-کلیل دا د پەڤچوونا لگەل پەکەکەییان دا لەشکەرێ ب ناڤێ «رەشاد ئەرگین» ژیانا خوە ژ دەست دا.

ھەر چەند وەزارەتا بەرەڤانیا ترکیێ ناڤێ دەڤەرا کو ئەو سەرباز تێدا ھاتیە کوشتن ئەشکەرە نەکر، لێ ل گۆر ئاگاهیان، دوھ ل چەند گوندێن ناڤچەیا ئامێدیێ شەر و پەڤچوون د ناڤبەرا ئارتێشا ترکیێ و چەکدارێن پەکەکێ دا دەرکەتیە.

وەزارەتا بەرەڤانیا ترکیێ راگھاند، د ئەنجاما گولەبارانێ دا لەشکەر بریندار بوو و پشتی ڤەگوهاستی نەخوەشخانەیێ، ژ بەر برینێن خوە ژیانا خوە ژ دەست دا.

د 18/4/2022ێ دا ئارتێشا ترکیێ ل دژی بارەگەھ و ستراگەهێن پەکەکێ یێن ل ھەرێمێن زاپ، ماتین و ئاڤاشینێ ئۆپەراسیۆنەکا بەژاھی و ئاسمانی ب ناڤێ پەنجە-کلیل دەست پێ کر.

پوستێن ھەمان بەش