ل ئیدارەیا سەربخوەیا زاخۆیێ 3 بازرگانێن مادەیێن ھشبەر ژ ئالیێ ئاساییشا زاخۆ ڤە ھاتن گرتن.
ل گۆر زانیاریان رێڤەبەریا ئاساییشا ئیدارەیا سەربخوەیا زاخۆ ب ھەڤکاری ل گەل ئەنجوومەنا ئاساییشا ھەرێما کوردستانێ ڤە کارین 3 بازرگانێن مادەیێن ھشبەر ل زاخۆ دەستەسەر بکن.
ھەروھا ھات زانین کو د دەما گرتنا وان ھەرسێ بازرگانێن مادەیێن ھشبەر دا 80 گرام مادەیێن ھشبەر ل گەل وان بوویە و ئەو ژی دەست ل سەر ھاتیە دانین و مادەیێن ھشبەر ژی پێکدھاتن ژ کریستال، مەجون، ئەرۆین، شووشە و دو تەرازیێن کێشانێ یێن تایبەت ژ بۆ مادەیێن ھشبەر ژی ل گەل وان ھاتینە گرتن.
یەک ژ وان بازرگانان روونشتڤانێ ھەرێما کوردستانێ یە و ھەردو کەسێن دن خەلکێ دەرڤەیی ھەرێما کوردستانێ نە.
