په‌كه‌كێ ئیرۆ ناسنامه‌یا 3 جوانێن كورد ئه‌شكه‌ره‌كر كو ل نیسانا ئیسالێ ل زاپێ ژیانا خوه ژ ده‌ست دانه و رێخستنێ ژ نوو ڤه مرنا وان ئیلان كر.
هه‌په‌گه باسكێ له‌شكه‌ری یێ په‌كه‌كێ، هه‌ر رۆژ وێنه‌یێن كۆمێن زارۆك، كه‌چ و جوانێن كوردان به‌لاڤ دكه یێن كو ب ده‌ستێ ئارتێشا ترك تێن فه‌دا كرن، پرانی ژێ ل سالێن به‌رێ ژیانا خوه ژ ده‌ست دا نه، لێ به‌لێ په‌كه‌كه پاش ده‌رباسبوونا سالان ژ نوو تێ و دبێژه: «مه هه‌ڤالێن خوه یێن فه‌دائیێن ئاپۆ وه‌ندا كرنه».
په‌كه‌كه ژ بۆی چێكرنا شه‌رڤانان پشت به‌ستنێ ل سه‌ر ره‌ڤاندنا زارۆكان دكه‌ت، پرانییا شه‌رڤانێن كو تێن فه‌دا كرن هێژان د ته‌مه‌نا زارۆكتیێ یان نوو ته‌مه‌نا زارۆكتیێ ده‌رباس كرنه.
ته‌نێ د مه‌ها رابووری دا، په‌كه‌كێ وێنه‌یێن پێتری 100 زارۆك، كه‌چ و جوانان به‌لاڤ كرنه كو ل سه‌ر خاكا باشوورێ كوردستانێ فه‌دا كرینه، په‌كه‌كه د په‌سنا وان دا دبێژه: «ئه‌و ملیتانێن ئاپۆیی نه، هێژان ئه‌و زارۆك بوون وه‌ختا وان فه‌لسه‌فا ئاپۆ فێم كری»!!.
