مەسروور بارزانی: ئەم تەکەزیێ ل بهێزکرنا هەماهەنگیا د ناڤبەرا ئالیێن سیاسی یێن کوردستانی دە دکن

masrour-barzani-muhamad-haci-mahmoud

سەرۆکوەزیرێ هەرێما کوردستانێ مەسروور بارزانی، ب بۆنەیا سالڤەگەرا 46 مین یا دامەزراندنا پارتیا سۆسیالست دەمۆکراتا کوردستانێ، پەیامەکە پیرۆزباهیێ ئاراستەیی وێ پارتیێ کر و راگهاند، «د ڤێ بیرانینێ دە، تەکەزیێ ل بهێزکرن و پێشخستنا زێدەتر یا هەماهەنگیا د ناڤبەرا پارتی و ئالیێن سیاسی یێن کوردستانی دە دکن».

سەرۆکوەزیر مەسروور بارزانی پەیاما خوە ئاراستەیی سەرۆکێ پارتیا سۆسیالیست دەمۆکراتا کوردستانێ محەمەد حاجی مەحموود کر و گۆت: «ب بۆنەیا 46 مین یا سالڤەگەرا دامەزراندنا پارتیا سۆسیالست دەمۆکراتا کوردستانێ، گەرمترین پیرۆزباهی ئاراستەیی جەنابێ وە، سەرکردایەتی، ئەندام و ئالیگرێن پارتیا وە یا تێکۆشەر دکم و هێڤیا سەرکەفتنێ ژ وە رە دخوازن».

سەرۆکوەزیر مەسروور بارزانی د پەیاما خوە دە گۆت ژی: «د ڤێ بیرانینێ دە، تەکەزیێ ل بهێزکرن و پێشخستنا زێدەتر یا هەماهەنگیا د ناڤبەرا پارتی و ئالیێن سیاسی یێن کوردستانی دە دکن، ب ئاراستەیا بەرەڤانیکرنا ل دەستکەفتێن نشتیمانی و مافێن دەستووری یێن گەلێ کوردستانێ».

پوستێن ھەمان بەش