ئێریشێن ئارتێشا تركیێ یێن ل سه‌ر رۆژئاڤا كوردستانێ ئیرۆ دژوار بوونه، گونده‌وارێ عاموودێ، ده‌رباسیێ، حه‌سه‌كێ و قامشلۆ كه‌تن به‌ر ئێریشان.
ئارتێشا ده‌وله‌تا ترك ئیرۆ رۆژا دوشه‌می 8/8/2022ێ تۆپ ل گونده‌وارێن باژار و باژارۆكێن رۆژئاڤا كوردستانێ عاموودێ، ده‌رباسیێ، حه‌سه‌كێ، قامشلۆ و تل ته‌مرێ، هه‌روه‌ها عه‌ین عیسا و زرگانێ و گرێ سپی باراندن و ئه‌ڤ ئێریش هێژان ده‌وام دكن.
چاڤكانیێن خوه‌جیهی ئه‌شكه‌ره كرنه كو كه‌سه‌ك سڤیل بریندار كه‌تیه، ئه‌و ژی شڤانه‌ك په‌ز بوو و ل گونده‌وارێ عاموودێ بریندار كه‌تیه، لێ به‌لی هێژان ئاگاهیێن ته‌مان نه‌هاتنه گرتن.
تركیه گه‌فا ده‌ستپێكرنا ئێریشه‌كه مه‌زن ل سه‌ر رۆژئاڤا كوردستانێ دكه ژ بۆ كو هه‌رێمه‌كه ئه‌وله‌هیێ ل ور ئاڤا بكه، په‌كه‌كه و باسكێن وێ یێن رۆژئاڤا ژی هێژان ب بلندكرنا وێنه‌یێن ئۆجالان و دروشمه‌یێن په‌كه‌كێ بێهتر ئیستفزازا تركیێ دكن و بێهتر ئارتێشا ده‌وله‌تا داگیركه‌ر كێش هوندرێ رۆژئاڤا دكن.
