پەکەکە ب هەڤکاری ل گەل هەر یەک ژ حەشدا شەعبی و مافیایێن رووسیایێ زارۆکێن ئیراقی یێن د کامپێن رۆژئاڤایێ کوردستانێ دە ژ بۆی ئاجندایێن خوە بکار تینە.
ل گۆر ئاگاهیێن تایبەت یێن پێگەها «دارکا مازی»، پەکەکێ ب هەڤکاری ل گەل هەر یەک ژ حەشدا شەعبی و مافیایێن رووسیایێ ب تەنێ ژ سالا 2021ان هەیا نها زێدەتری 50 زارۆکێن تەمەنێ وان د بن 18 سالیێ دە ل کامپا «هۆلێ» یا سەر ب حەسەکەیا رۆژئاڤا کوردستانێ ڤه رەڤاندنە و د هن سەربازگەهێن تایبەت دە وان فێری زمانێ رووسی و بکارئانینا چەکان دکن.
ئەڤ زارۆک ولاتیێن ئیراقێ نە و پرانیا وان ئێزدینە، وه‌ختا ئێریشا داعشێ ڤێ رێخستنا ته‌رۆرێ ئه‌ڤ زارۆك ب «ئەشبال ئەلخەلافە» دانه ناسکرن، دایک و باڤێن پرانیا ڤان زارۆکان د شەرێ ل دژی داعشێ دە جانێ خوە ژ دەست دایە.
ل گۆری ئاگاهیێن تایبەت یێن پێگه‌ها مه، ئەڤ زارۆك ژ بۆی سینۆرێ د نێڤبەرا ئه‌رمه‌نستان و ئازەربایجانێ تێن ڤەگوهه‌ستن و د سەربازگەهێن تایبەت یێن پەکەکێ دە تێن پەروەردەکرن، ئەو هینی زمانێ رووسی تێن کرن و ب ئایدۆلۆژیایا پەکەکێ تێن پەروەردە کرن، پشتی هن دەورەیێن پەروەردەیی ژی ئەو تێن ڤەگوهەستن ژ بۆی چیایێ قەندیلێ یێ هەرێما کوردستانێ.
