ئارتێشا ترکیێ باژارێ قامشلۆ بۆمبەباران کر

ئارتێشا ترکیێ باژارێ قامشلۆ بۆمبەباران کر

درۆنەکا ئارتێشا ترکیێ ناڤا باژارێ قامشلۆ بۆمبەباران کر و ل گۆر زانیاریێن دەستپێکێ، ھەژمارەک کەس بریندار بوونە.

ل گۆر زانیاریان، درۆنەکا ئارتێشا ترکیێ نێزیکی نەخوەشخانەیا ژیانا تایبەت ب کۆڤید 19 یا ل قامشلۆ بۆمبەباران کر، د ئێریشێ دا 2 ئەندامێن ھێزا ئەرکێ خوەپاراستنێ ھاتنە کوشتن و ھەژمارەک کەس ژی بریندار بوون.

ژ ئالیەکی دن ڤە، رەوانگەھا سووری یا مافێن مرۆڤان بەلاڤ کر، د ئەنجاما ئێریشا درۆنەیا ترکیێ دا، 4 کەس ل قامشلۆ ھاتنە کوشتن.

ئەڤ یەک د دەمەکێ دایە، ھێزێن ترکیێ ئیرۆ خالەکا رێژیما سووریێ ل نێزیکی ئاموودێ و گوندێن تل حەمدوون، جرنک، خەرزا و خانکایێن سەر ب عاموودێ ڤە و ناحیا ئەبوو راسێن تۆپباران کربوون.

د دەما داوی دا، لگەل زێدەبوونا گەفێن ترکیێ یێن ژ بۆ دەستپێکرنا ئۆپەراسیۆنەکا لەشکەری ل رۆژئاڤایێ کوردستانێ و باکورێ سووریێ، ئێریشێن ئاسمانی یێن ب ریا درۆنان ل سەر رۆژئاڤایێ کوردستانێ و ھەرێمێن د بن کۆنترۆلا ھەسەدێ دا زێدە بوونە.

پوستێن ھەمان بەش