رێخستنا په‌كه‌كێ ناسنامه‌یا دو جوانێن دن یێن كورد ئه‌شكه‌ره كر كو ل مه‌ها رابووری ب ده‌ستێ ئارتێشا ده‌وله‌تا ترك ل سه‌ر خاكا باشوورێ كوردستانێ دانه كوشتن.
رێخستنا په‌كه‌كێ دوهـ رۆژا سێشه‌مبی 9\8\2022ێ وێنه‌یێن دو چه‌كدارێن خوه ئه‌شكه‌ره كر كو ل مه‌ها رابووری ل باشوورێ كوردستانێ به‌رێ وان دابوو مرنێ و پاش ده‌رباسبوونا مه‌هه‌كێ ژ نوو مرنا وان راگهاند.
هه‌په‌گه هه‌ر رۆژ وێنه‌یێن كۆمێن زارۆك، كه‌چ و جوانێن كوردان به‌لاڤ دكه، پرانی ژێ ل سالێن به‌رێ ژیانا خوه ژ ده‌ست دا نه، لێ به‌لێ په‌كه‌كه پاش ده‌رباسبوونا سالان ژ نوو مرنا وان رادگهینه.
په‌كه‌كه ژ بۆی چێكرنا شه‌رڤانان پشت به‌ستنێ ل سه‌ر ره‌ڤاندنا زارۆكان دكه‌ت، پرانییا شه‌رڤانێن كو تێن فه‌دا كرن هێژان د ته‌مه‌نا زارۆكتیێ یان نوو ته‌مه‌نا زارۆكتیێ ده‌رباس كرنه.
ته‌نێ د مه‌ها رابووری دا، په‌كه‌كێ وێنه‌یێن پێتری 100 زارۆك، كه‌چ و جوانان به‌لاڤ كرنه كو ل سه‌ر خاكا باشوورێ كوردستانێ فه‌دا كرنه، په‌كه‌كه د په‌سنا وان دا دبێژه: «ئه‌و لایقی ئاپۆ ده‌ركه‌تن»!!.
