د دهما ههفتهیهكێ ده بالافرێن بێمرۆڤ یێن دهولهتا تركیێ 8 جاران بۆمبه ل باژار و باژارۆكێن رۆژئاڤا كوردستانێ باراندنه، ب تهڤاهی 15 كهسان ژیانا خوه ژ دهست دانه و بریندار بوونه.
نهرینگهها سووری یا مافێن مرۆڤان ئیرۆ رۆژا چارشهمی 10\8\2022 ئامارا ئێریش و زرارێن ئێریشێن دهولهتا ترك ل سهر ناڤچهیێن ژێر كۆنترۆلا رێڤهبهرییا خوهسهر ئهشكهره كر و راگهاند كو د ههفتهیهكێ ده درۆنێن تركیێ 8 جاران ئێریش ئهنجامدانه، ب تهڤاهی 15 كهسان ژیانا خوه ب سهدهمێ وان ئێریشان وهندا كریه و بریندار بوونه.
ل گۆری نهرینگهها سووری، دو زارۆك د ئێریشان ده هاتنه كوشتن، 7 شهرڤانێن ههسهدێ و یهپهگێ، ههروهها 6 كهسێن دن بریندار بوونه.
تركیه گهفا دهستپێكرنا ئێریشهكه مهزن ل سهر رۆژئاڤا كوردستانێ دكه ژ بۆ كو ههرێمهكه ئهولههیێ ل ور ئاڤا بكه، پهكهكه و باسكێن وێ یێن رۆژئاڤا ژی هێژان ب بلندكرنا وێنهیێن ئۆجالان و دروشمهیێن پهكهكێ بێهتر ئیستفزازا تركیێ دكن و بێهتر ئارتێشا دهولهتا داگیركهر كێش هوندرێ رۆژئاڤا دكن.
