هێزێن سووریایا ده‌مۆكراتیك ئیرۆ راگهاند، وان ل سینۆرێ پارێزگه‌ها مێردینێ یا باكورێ كوردستانێ، ئێریشێ ئارتێشا تركیێ كر و 23 له‌شكه‌ر كوشتن.
ناڤه‌ندا راگهاندن و چاپه‌مه‌نیێ یا هه‌سه‌دێ ئیرۆ رۆژا پێنجشه‌می 11/8/2022ێ راگهاند، هێزێن وان سێ ئێریش ل سینۆرێ پارێزگه‌ها مێردینێ یا باكورێ كوردستانێ ئه‌نجام دانه و ب ته‌ڤاهی 23 له‌شكه‌ر د وان ئێریشان ده كوشتنه و دو له‌شكه‌ر ژی بریندار كرنه.
د داخویانیا خوە دە هه‌سه‌د دەربارێ ئێریشان دبێژە، هەر سێ ئێریش «ل دژی وەسایتێن زرخی یێن ئارتێشا ترکیێ» هاتنە ئەنجامدان و دیار دکە، د ئێریشا یەکەم دە 7 لەشکەرێن ترکیێ هاتنە کوشتن، 2 لەشکەر بریندار بوونە، و وەسایتا زرخی ژی هاتیە تێکبرن.
ل گۆر هه‌سه‌دێ، د ئەنجاما ئێریشا دویەم دە 10 لەشکەر و د ئێریشا سێیەم دە ژی 6 لەشکەرێن ترکیێ هاتنە کوشتن.
ناڤه‌ندا راگهاندنا هه‌سه‌دێ ده‌ستنیشاكر، هێزێن وان ئه‌ڤ ئێریش وه‌كه به‌رسڤ و تۆلهلدانه‌كێ، هه‌موه‌خت د چارچۆڤەیا مافێ رەوا یێ بەرسڤدانێ ده ل دژی ئارتێشا تركیێ ئه‌نجام دانه.
