ئارتێشا ترکیێ ل پارێزگه‌ها ئامه‌دێ یا باکورێ کوردستانێ ل دژێ په‌كه‌كێ دەست ب ئۆپەراسیۆنەکە نوو یا ب ناڤە «ئەرەن – دۆرپێچ 33» کر کو 1054 لەشکەر، گوندپارێز و پۆلیسێن تایبەت ب 68 تیمێن جودا تێدە بەشدارن.
ل گۆر داخویانیەکە کو ژ ئالیێ وەزارەتا ناڤخوە یا ترکیێ ڤە هاتیە بەلاڤ کرن، ئارتێشا وی وەلاتی ئیرۆ 11ێ تەباخا 2022ێ ل پارێزگەها ئامه‌دێ دەست ب ئۆپەراسیۆنا ب ناڤە «ئەرەن – دۆرپێچ -33» کریە 1054 لەشکەر، گوندپارێز و پۆلیسێن تایبەت ب 68 تیمێن جودا تێدە بەشدارن.
د داخویانیێ دە ئاماژە ب وێ یەکێ هاتیە دایین کو د ئۆپەراسیۆنێ ده ل دۆربه‌را ئامه‌دێ 51 ده‌ڤه‌ر هاتنه كۆنترۆل كرن و تەکەزی ل بەردەوامیا ئۆپەراسیۆنێن دن ژی هاتیە کرن.
زنجیرە ئۆپەراسیۆنێن ئارتێشا ترکیێ یێن ب ناڤێن جودا ژ سالا 2017ێ ڤە ل باکورێ کوردستانێ ب بەردەوامی تێن کرن، ئارتێشا ترکیێ ئەڤ دەردۆرا 9 مەهانه ب ناڤێ ئۆپەراسیۆنێن «ئەرەن» ل ناڤچەیێن جودایێن سینۆرێ پارێزگەهێن ئامەد، مێردین، دێرسم، شرنەخ، جۆلەمێرگ، ئاگری، بەدلیس، ئیدر، قەرس، ئەردەخان وچەند ناڤچەیێن دن یێن باکورێ کوردستانێ دەست ب زنجیرە ئۆپەراسیۆنێن خوە یێن نوو کریە و ئەو ئۆپەراسیۆن بەردەوامن.
