ھێزێن ئیرانێ کۆلبەرەکێ کورد کوشت

ھێزێن ئیرانێ کۆلبەرەکێ ژ باژارێ «سەلاسێ باوەجانی» یا سەر ب کرماشانا رۆژھلاتێ کوردستانێ کوشت.

مالپەرا مافێن مرۆڤان یا ھەنگاو راگھاند، ئێڤارا رۆژا 12ێ تاباخا 2022یێ، دەما ھەژمارەک کۆلبەر د سینۆرێ شێخ سلە دا دەرباس دبوون، ھێزێن ئیرانێ تەقە ل وان کرن و کۆلبەرێ ب ناڤێ محەمەد نادری یێ 18 سالی کو خەلکێ «سەلاسا باوەجانیێ» یە جانێ خوە ژ دەست دا.

ل گۆر زانیاریان د دەما ڤەگەرا ژ باشوورێ کوردستانێ دا تەقە ل کۆلبەران ھاتیە کرن.

ھێزێن ئیرانی یێن سەر سینۆر د ڤان دەمێن داوی دا ئێریش و زەختێن ل سەر کۆلبەران زێدەتر کرنە.