شه‌ش چه‌كدارێن دن یێن رێخستنا په‌كه‌كێ ل هه‌رێما كوردستانێ، كه‌تن به‌ر ئێریشا بالافرێن تركیێ و ژیانا خوه ژ ده‌ست دان، په‌كه‌كه ژی دبێژه مه 11 عه‌سكه‌ر كوشتنه.
وه‌زاره‌تێن ناڤخوه و به‌رگریێ یێن ده‌وله‌تا تركیێ، دوهـ و ئیرۆ رۆژێن 12-13/8/2022ێ د داخویانیێن جودا ده ئه‌شكه‌ره كرنه، ل ناڤچه‌یێن ئۆپه‌راسیۆنا ب ناڤێ په‌نجه كلیل یا كو ل زاپێ، ئاڤاشین و باسیانێ دژی په‌كه‌كێ ده‌ستپێكری، 6 چه‌كدارێن رێخستنێ هاتنه ئارمانج گرتن و ژیانا خوه ژ ده‌ست دانه.
ل گۆری داخویانیێن وه‌زاره‌تێن ناڤخوه و به‌رگریێ، دوهـ رۆژا ئینی 3 گه‌ریلا و ئیرۆ رۆژا شه‌می ژی 3 گه‌ریلا هاتنه ئارمانج گرتن.
رێخستنا په‌كه‌كێ ژی دوهـ رۆژا ئینی كوشتنا 7 له‌شكه‌رێن ترك و ئیرۆ رۆژا شه‌می ژی كوشتنا 4 له‌شكه‌رێن دن د مه‌دیایا خوه ده پارڤه‌كرییه.
