گرتیێ کوردێ خەلکێ باژارێ ئیلاما رۆژهلاتێ کوردستانێ بێی کو داخوازا وی یا داوی وەرە جیبجیکرن و مالباتا وی های ژێ هەبە، هات سێداره دان.
ل گۆری رێخستنا مافێ مرۆڤان یا هەنگاوێ، «مەهدی نورکەرەمی» کو ل باژارێ ئیلامێ یێ رۆژهلاتێ كوردستانێ ژ دایک بوویە، رۆژا 10ێ تەباخێ ل گرتیگەها ناڤەندی یا ئاراکێ بێی ئاگاهدارکرنا مالباتا وی، هات سێداره دان.
داخوازا مەهدی نورکەرەمی یا کو جارا داوی مالباتا خوە ببینە، هات رەدکرن.
رێخستنا مافێ مرۆڤان یا هەنگاوێ دیار کر کو مەهدی نورکەرەمی یێ 37 سالی، بەری 3 سالان ب تۆهمەتا بازرگانیا مادەیێن هشبەر ب سێداره‌دانێ هات مەحکووم کرن.
مەهدی نورکەرەمی ژ بەر کو د وارێ ئابۆری دە تەنگاسیا وی هەبوو، ژێ رە پارێزەر نەهاتبوو گرتن.
گرتیێ کورد مەهدی نورکەرەمی بێی ئاگاهیا مالباتا خوە هات سێداره دان و ژ مافێ هەڤدیتنا داوین یا ب مالباتا خوە رە بێپار هات هشتن.
