هه‌ر یێك ژ ده‌وله‌تا ترك و رێخستنا په‌كه‌كێ ئیرۆ هنه‌ك ئامارێن دن یێن زرارێن جانی یێن هه‌ڤ پارڤه‌كرن و ل گۆری وان ته‌نێ ژ دوهـ ڤه، 6 گه‌ریلا و 24 له‌شكه‌ر هاتنه كوشتن.
ئارتێشا تركیێ و رێخستنا په‌كه‌كێ هه‌ر ل ناڤبه‌را چه‌ند رۆژان ئامارێن زرارێن جانی یێن هه‌ڤ پارڤه‌دكن، هه‌ر یێك دبێژه مه ئه‌وقاس كوشتن، لێ به‌لێ هه‌ردو ئالی راست نابێژن و ڤێ وه‌كه شه‌ره‌كی تایبه‌ت ل دژی هه‌ڤ د مه‌شینن.
ئیرۆ ئارتێشا تركیێ راگهاند كو 4 گه‌ریلا ل خاكورك و 2 ل مه‌تینایێ كه‌تنه به‌ر ئێریشێن بالافران و ژیانا خوه ژ ده‌ست دانه.
ژ هێلا خوه ڤه رێخستنا په‌كه‌كێ ژ دوهـ ڤه كوشتنا 24 له‌شكه‌رێن ترك راگهاندیه.
