لێکۆلەر و نڤیسکار مووراد جوان ل وانێ کۆنفەرانسەک ل دار خست

لێکۆلەر و نڤیسکار مووراد جوان دۆ، رۆژا 12/8/2022یێ ل وانێ، د ھۆلا ئاڤاھییا شاخا پاکێ یا وانێ دا کۆنفەرانسەکا ب دو مژاران ل دار خسرت.

مژارا یەکەم: گەلۆ سەلجووقی دەولەتەکا سەربخوە بوون، یان حکوومەتا دەولەتا (خەلافەتا) عەباسیان بوون، یا دوھەم ژی: پشتێ رەفەراندوومێ پرسا کورد و کوردستانێ بوو.

مووراد جوان، د مژارا  گەلۆ سەلجووقی دەولەتەکا سەبخوە بوون، یان حکوومەتا دەولەتا (خەلافەتا) عەباسیان بوون دا گەلەک ئاگاھدارییێن دیرۆکی ئانی  زمان.

دیسا مووراد جوان د مژارا  پشتی رەفەراندوومێ پرسا کورد و کوردستانێ دا ژی ل گۆر نێرینێن خوە مژار نرخاند.

مووراد جوان د دەربارێ ڤان ھەردو مژاران دا ئاھاگدارییێن گرینگ دان و فکر و تەسبیتێن خوە لگەل بەشدارێن کۆنفەرانسێ دا پارڤە کرن.

د بەردەوامییا کۆنفەرانسێ دا، د بەشا پرسان دا، بەشداران ژی ب پرس و تێبنییێن خوە کۆنفەرانس دەولەمەند کر.

سەرۆکێ گشتی یێ پەسەکەیێ مەسعوود تەک و رێڤەبرێن پەسەکەیێ، گەلەک لێکۆلەر، نڤیسکار و وەشانگەرێن کورد یێن وەک زییا ئاڤج، ئیحسان چۆلەمەریک، سالح دیندار، خالد سادنی، ئیدریس کاڤال، عەبدولقادر بینگۆل، مامۆستا ھانیفی و گەلەک سییاسەتمەدار و رەوشەنبیرێن کورد و ئەندام و رێڤەبرێن پاکێ و گەلەک وەلاتپارێزێن ھێژا بەشداری کۆنفەرانسێ ببوون.

ھەرچەند، ھەوا گەلەک گەرم و ھۆلا کۆنفەرانسێ تەنگ بوو ژی، کۆنفەرانسێ 4 دەمژمێران ئاژۆت و ئەلەقەیەکا باش ھەبوو.

پشتی کۆنفەرانس ب داوی هاتی بەشداران دەمەکە درێژ بەحسا کۆنفەرانسێ د ناڤ خوە دا نرخاند.