ب هەڤکاریا هەڤپەیمانان دو فرقەیێن نوو یێن پێشمەرگە تێن پێکانین
د جڤینا د ناڤبەرا سەرۆکئەرکانێ وەزارەتا پێشمەرگە فەریق روکن عیسا عوزێر و سەرۆکێ تیما شێورمەندێن هێزێن هەڤپەیمانان ل هەرێما کوردستانێ کۆلۆنێل سۆریا دە، بەحسا چاوانیا پێکانینا دو فرقەیان ژ بۆ هێزێن پێشمەرگە هات کرن.
جڤین کو دوهی 14ێ تەباخا 2022 هات کرن، پرسێن سەرەکە یێن جڤینێ، پێکانینا دو فرقەیان ژ بۆ هێزێن پێشمەرگە، پێوەندیێن د ناڤبەرا وەزارەتا پێشمەرگە و تیما شێورمەندێن هێزێن هەڤپەیمانان و هەڤکاریێن لۆژستی یێن هێزێن هەڤپەیمانان ژ هێزێن پێشمەرگە رە بوون.
ل گۆری داخویانیەکە حکوومەتا هەرێما کوردستانێ، رێڤەبەرێ رێڤەبەریا هەماهەنگی و پێوەندیان ژی د جڤینێ دە ئامادە بوو و تێ دە باشترکرنا ئاوایێ فەرماندەیی و کۆنترۆلکرنێ د ناڤا هێزێن پێشمەرگە دە هات کرن.
هەر د ڤێ جڤینێ دە، گوفتووگۆ دەربارێ چاوانیا پێکانینا دو فرقەیان ژ بۆ هێزێن پێشمەرگە هات کرن.
د داخویانیێ دە هات گۆتن: «سەرۆکئەرکانێ وەزارەتا پێشمەرگە خوەشحالیا خوە دەربارێ ڤان پێنگاڤان و باشترکرنا جورە و ئاوایێ ئالیکاری و هەڤکاریێن لۆژستی یێن ژ هێزێن پێشمەرگە رە نیشان دا».
فەریق روکن عیسا عوزێر تەکەز کر: «ئەڤ جورە هەڤکاری دبن سەدەما بلندکرنا ئاست و کارینا هێزێن پێشمەرگە».
د مژارەکە دن یا جڤینێ دە، گوفتووگۆ دەربارێ باشکرنا پێوەندیێن د ناڤبەرا هێزێن پێشمەرگە و هێزێن ئەولەهیێ یێن ئیراقێ دە هاتن کرن و ئەنجامدانا ئۆپەراسیۆنێن هەڤبەشێن د ناڤبەرا هەر دو ئالیان دە ل دژی تەرۆریستان، ب گرنگ هات زانین.
چاڤكانی: كوردستان24
