جه‌ندرمه‌یێن تركیێ، گوللـه به‌ردان هه‌ژماره‌كه هه‌مولاتیێن پارێزگه‌ها حه‌سه‌كێ یا رۆژئاڤا كوردستانێ كو د خوه‌ستن ژ خه‌تا سینۆر ده‌رباسی تركیێ ببن، یه‌ك ژێ هات كوشتن و سێ بریندار بوون.
ره‌وانگه‌ها سووری یا مافێن مرۆڤان ئه‌شكه‌ره كر، هه‌مولاتیەکی د ئەنجاما گولەبارانا هێزێن سینۆری یێن ئارتێشا ترک یێن ب ناڤێ جه‌ندرمه، دەما کو دخوەستن ب رێیێن قاچاخ ل نێزی خەتا سینۆرا ل هەرێما سه‌رێ كانیێ، دەرباسی خاکا ترکیێ ببن، ژیانا خوه ژ ده‌ستدا و 3 ژی بریندار بوون.
هه‌روه‌ها دیاركر، ب ڤێ یەکێ هەژمارا سڤیلێن کو ژ دەستپێکا سالا 2022ێ و ل هەرێمێن جودا یێن سووریێ یێن ل نێزی سینۆرێ ترکیێ و ل سەر سینۆرێ ترکیێ ژ ئالیێ جه‌ندرمه‌یان ڤە هاتنه قەتلکرن، گه‌هشت 14 كه‌سان کو 3 ژێ زارۆکن، 23 ژی هاتنه بریندار كرن.
