میتێ بەرپرسەکێ یەپەگێ ل قامشلۆ کوشت

ترکیا راگهاند، بەرپرسێ یەپەگێ ل باژارێ قامشلۆ «موحسین یاگان» یێ ب کۆد ناڤێ “دژوار سلۆپی” د ئۆپەراسیۆنەکا وان دا ھاتیە کوشتن.

ئاژانسا فەرمی یا حکوومەتا ترکیێ «ئانادۆلو» ل سەر زارێ ژێدەرێن ئەولەکاریێ راگھاند، دەزگەھا ھاوالگریێ یا ترکیایێ (میتێ) ل باژارێ قامشلۆ ئۆپەراسیۆن کریە و د ئەنجامێ دا بەرپرسێ یەپەگێ یێ وی باژاری موحسین یاگان “دژوار سلۆپی” ھات کوشتن.

ھات راگھاندن کو دژوار سلۆپی د سالا 1990ێ دا تەڤلی پەکەکێ بوویە، پشتی کو ل شرنەخێ خەباتێن خوە دمەشینە، ل ھەرێمێن قەندیل، کەلارەش، زاپ، گارە، مەتینا، مەخموورێ کارێ خوە دەوام دکە. ھەری داوی د سالا 2020ێ دا ل سەر فەرمانا مورات کارایلان دچە قامشلۆ.

د ڤان دەمێن داوی دا، لگەل زێدەبوونا گەفێن ترکیێ یێن ژ بۆ دەستپێکرنا ئۆپەراسیۆنەکا لەشکەری ل دژی رۆژئاڤایێ کوردستانێ و باکورێ سووریێ، ئێریشێن ترکیێ ل سەر رۆژئاڤایێ کوردستانێ و ھەرێمێن د بن کۆنترۆلا ھەسەدێ دا زێدە بوونە.

ھەفتەیا بۆری ژی دەستەیا ھوندرین یا ھەرێما جزیرێ راگھاندبوو، ئەندامێ رێڤەبەریا پارتیا ژیانا ئازادا کوردسانێ (پەژاک) یووسف مەحموود رەبانی (رێزان جاوید) د ئێرشا ترکیێ یا رۆژا 6ێ تەباخێ ل سەر تاخا پیشەسازییا باژارێ قامشلۆ دا، ھات کوشتن.