ل ناڤچەیا بانە یا رۆژهلاتێ کوردستانێ هەری کێم 12 کۆلبەرێن کورد ژ ئالیێ هێزێن چەکدارێن ئیرانێ ڤە هاتن بریندار کرن.
مالپەرا دەزگەها مافێن مرۆڤان یا هەنگاو راگهاند، شەڤا دوشەمێ 15ێ تەباخا 2022ێ، د ئەنجاما تەقەیێن راستەراست یێن هێزێن چەکدارێن ئیرانێ دە ل سینۆرێ بانە، هەری کێم 12 کۆلبەرێن خەلکێ بانە، بۆکان و سەقزێ بریندار بوون.
ل گۆر زانیاریێن هەنگاوێ، 7 کۆلبەر خەلکێ بانە، 3 کۆلبەر خەلکێ سەقز و 2 کۆلبەر خەلکێ بۆکانێ نە و هەتا نها ناسنامەیێن پێنج کەسێن ب ناڤێن «سامان محەمەدزادە 29 سال، یێ خەلکێ بانە، فەزل ئەحمەدی یێ خەلکێ سەقزێ، عەلی ئابکار یێ خەلکێ بۆکانێ، یووسف قۆتاسی یێ خەلکێ بۆکانێ و ئەرسەلان رەحمانی یێ خەلکێ سەقزێ» ئەشکەرە بوونە.
هه‌نگاوێ دیار کر کو هێزێن چەکدارێن ئیرانێ ب مەسافەیا 6 مەتران و ب گوللـەیێن ساچمە تەقە ل کۆلبەران کرنە.
هەروها ئەشکەرە کر، تەنێ 4 کۆلبەر بۆ نەخوەشخانەیێ هاتنە ڤەگوهەستن و کۆلبەرێن دن ژ ترسا دەستەسەرکرنێ، سەردانا نەخوەشخانەیێ نەکرنە.
