جوانێن شۆرەشگەر کەچەکا 16 سالی رەڤاند

جوانێن شۆرەشگەر کەچەکا 16 سالی رەڤاند

کەچا 16 سالی یا ل تاخا شێخمەقسوودا حەلەبێ ژ بۆ لەشکەریا نەچاری ژ ئالیێ جوانێن شۆرەشگەر ڤە ھات رەڤاندن.

حەمیدە فەوزی محەممەد یا 16 سالی کو د مالباتەکا هەژار دا ل حەلەبێ دژیت، چوو ئەنستیتویا چاند و ھونەرێ یا کو ژ ئالیێ رێخستنەکا نێزیکی پەکەکێ ڤە ل تاخێ وان ھاتبوو ڤەکرن و ل ور بەشداری دەورەیا موزیکێ بوو. لێ رۆژەکێ، پشتی چوونا کورسێ، ئەو قەت ڤەنەگەریا مالێ. دەما دایک و بابێن وێ ژ بۆ کو ل کەچا خوە بگەرن چوونە سازیا ھونەرێ، بەرپرسێن وێ دەرێ ژ وان را گۆت ئەم نزانین، سەرێ وێ ئێشیا، مە ئەو شاندیە مالێ. لێ پشترا ھات زانین کو زارۆکا بچووک ژ ئالیێ جوانێن شۆرەشگەر ڤە ھاتیە رەڤاندن.

دەما مالباتێ لێگەرینا کەچا خوە بەردەام دکر، جوانێن شۆرەشگەر ژ وان را گۆتن، “کەچا وە ب ئیرادەیا خوە بریارا خوە دایە و تەڤلی مە بوویە.” تەڤی ھەموو نەرازیبوونێن مالباتێ ژی کەچا وان نەهات ڤەگەراندن. ھەر وھا جھێ گرتنا وی نەھات دیارکرن. مالباتا حەمیدە فەوزی کو مالباتەکا هەژارە، ژ بەر پرسگرێکێن ئابۆری، ژ گوندێ شێتکا یێ ناڤچەیا ماباتا یا عەفرینێ کۆچبەری حەلەبێ بوویە.

تاخا شێخمەقسوودا حەلەبێ کو کورد لێ دژین د دبن دەستهلاتداریا پەکەکێ دا یە. ھەر وھا ل تاخا شێخمەقسوود کو ب قاسی باژارەکێ بچووکە سازیێن وەکی چاند، ھونەر، جوان، ژن و ھتد هەنە. ب تایبەتی ژی جوان ژ بۆی وان سازیان تێن راکێشان کو ئاموورێن موزیکێ، تەنیسا سەر مێزە و ھتد تێ دا هەیی، و ل ور ژی ب زەختا دەروونی وان دبن ناڤا رەفێن پەکەکێ دا و ب زۆری وان چەکدار دکەن.

پوستێن ھەمان بەش