رژێما ئیرانێ 17 وەلاتیێن کورد ل رۆژهلاتێ کوردستانێ دەستەسەر کرن 

رژێما ئیرانێ 17 وەلاتیێن کورد ل رۆژهلاتێ کوردستانێ دەستەسەر کرن 

د ڤان رۆژێن داوی دا ل 3 باژارێن پارێزگەھا ئورمیێ یا رۆژھلاتێ کوردستانێ 17 وەلاتیێن کورد ژ ئالیێ ھێزێن ئەولەکاریێ یێن ئیرانێ ڤە ھاتنە دەستەسەرکرن. ھێزێن ئەولەکاریێ سەدەما دەستەسەرکرن و جھێ راگرتنا وان کەسان ئەشکەرە نەکرنە.

ل گۆر راپۆرا تۆرا مافێن مرۆڤ یا کوردستانێ، د پێلەکا نوویا دەستەسەرکرنا وەلاتی و چالاکڤانێن کورد دا، ب کێمانی 10 وەلاتیێن باژارێن بۆکان و مھاباد ژ ئالیێن ھێزێن ئەولەکاریێ یێن ئیرانێ ڤە ھاتنە دەستەسەرکرن و بۆ جھەکی نەدیار ھاتنە ڤەگوھەستن.

رۆژا سێشەمبێ 16ێ تەباخا 2022یێ، ھێزێن ئەولەکاریێ یێن ئیرانێ چوونە گوندێ لەج و ب سەر مالێن چار وەلاتیان دا گرتنە و ئەو دەستەسەر کرنە. ھەڤدەم ل باژارێ مھابادێ ژی دو وەلاتیێن دن ھاتنە دەستەسەرکرن.

رێخستنا ھەنگاو یا مافێن مرۆڤ ژی بەلاڤ کریە کو د دەما پێنج رۆژان دا ل ھەر سێ باژارێن مھاباد، بۆکان و شنۆیێ 17 کەس ژ ئالیێ ھێزێن ئیرانێ ڤە ھاتنە دەستەسەرکرن و بۆ جھەکێ نە دیار ھاتنە ڤەگوھەستن.

ل گۆر ھەنگاوێ، ل مھابادێ دوھ سێشەمبێ 16ێ تەباخێ ژ گوندێ گۆک تەپە کەسەک ب ناڤێ جەلال مەحموودی، ژ گوندێ قەرە قشلاخ کەسەک ب ناڤێ لۆقمان بەھرامی و ژ گوندێ لەجێ چار کەسێن ب ناڤێن ئەمیر بایزیدی ئازەر، شەھرام بایزیدی ئازەر، کامبیز بایزیدی ئازەر و چیا پیرزاد ھاتنە دەستەسەرکرن.

رۆژا شەمبیێ 13ێ تەباخێ ژی وەلاتیەک ب ناڤێ ناسر ئەحمەدزادە ل مھابادێ ھاتبوو دەستەسەرکرن.

ل باژارێ بۆکانێ ژی ھەری کێم 5 وەلاتی ھاتنە دەستەسەرکرن. ل گۆر ھەنگاوێ ناڤێ کەسێن دەستەسەرکری ب ڤی ئاوایییە؛ ئەلی فارووقی و جەلال ئەمینی، ئەمیر حوسێنزادە، مستەفا بلاز، محەمەد کەریمیخاھ.

دەستپێکا ڤێ ھەفتەیێ ھێزێن ئەولەکاریێ ل باژارێ شنۆیێ ژی 5 وەلاتیێن دن دەستەسەر کرنە و تێ گۆتن کو بۆ گرتیگەھا ئیدارەیا ئیتلاعاتێیا پارێزگەھا ئورمیێ ھاتنە ڤەگوھەستن.

ھەنگاوێ ناسنامەیا کەسێن کو ل شنۆیێ ھاتنە دەستەسەرکرن وھا راگھاندیە؛ حەکیم میرزایی، ھیوا میرزایی، ئارەش پیری، زاھیر مورادی و ئەنوەر پێیخامیھێزێن ئەولەکاریێ یێن ئیرانێ د مەھا بۆری دا، ب کێمانی 56 وەلاتیێن خەلکێ رۆژھلاتێ کوردستانێ ب تۆھمەتا چالاکیێن سیاسی و مەدەنی دەستەسەر کرنە. بەشا ھەری زێدەیا وان کەسان ب ھەڤکاریکرنا پارتیێن رۆژھلاتێ کوردستانێ تێن تۆھمەتبارکرن.

پوستێن ھەمان بەش