ل دێرسمێ پرەکا دیرۆکی ھات دیتن

ل دێرسمێ پرەکە دیرۆکی ھات دیتن

ل ناڤچەیا «مازگێردا» سەر ب پارێزگەھا دێرسمێ یا باکورێ کوردستانێ د کار و خەباتا پاقژکرنا چەمی دا پرەکا دیرۆکی یا ژ کەڤران دەرکەت دۆلێ.

ل گۆر ئاگاھیان دەما تیمێن رێڤەبەریا کارووبارێن ئاڤێ یێن ترکیێ یێن سەر ب وەزارەتا چاندنی و دارستانێ ل تاخا «ئەلت خاتونێ» دەما کار و خەباتێن پاقژکرنا چەمی دکرن راستی پرەکا دیرۆکی ھاتنە و ب رێڤەبەریا موزەخانەیا دێرسمێ ھاتیە راگھاندن.   

تیمێن گرێدایی موزەخانەیێ ل جھێ کو پر ھاتیە دیتن لێکۆلین کرنە و د ئەنجاما لێکۆلینێ دا دەرکەتیە کو پرەکا ژ کەڤرانە و دیرۆکا وێ ڤەدگەرە بەریا زایینێ نێزیکا سەدسالا 13ێ.

رێڤەبەریا چاند و گەشتێ یا دێرسمێ راگھاند کو ب ئارمانجا تۆمارکرنا پلان و تایبەتمەندیێن ڤێ پرا دیرۆکی یا ژ کەڤران دەست ب کار کرنە.

پوستێن ھەمان بەش