کۆلبەرەکی دن یێ کورد ژ ئالیێ ھێزێن ئیرانێ ڤە ھات کوشتن

کۆلبەرەکی دن یێ کورد ژ ئالیێ ھێزێن ئیرانێ ڤە ھات کوشتن

ل باژارێ بانەیێ رۆژھلاتێ کوردستانێ شەڤا ئینێ 19ێ تەباخێ، کۆلبەرەکی کورد ژ ئالیێ ھێزێن ئیرانێ ڤە ھات کوشتن.

مالپەرا رەوانگەها مافێن مرۆڤان یا ھەنگاو راگھاند، ناڤێ کۆلبەرێ کو ژ ئالیێ ھێزێن ئیرانێ ڤە ھات کوشتن، رەحیم محەمەدی (37 سالی)یە و بابێ دو زارۆکانە، ب چەکێ کەلاشنیکۆڤ تەقە لێ ھاتیە کرن و گولـلە ل بەر سینگ و دلێ وی کەتیە.

رەوانگەهێ بەریا نھا ژی راگھاندبوو کو شەڤا دوشەمێ 15ێ تەباخا 2022یێ، د ئەنجاما تەقەیێن راستەراستێن ھێزێن چەکدارێن ئیرانێ دا ل سینۆرێ بانە، ھەری کێم 12 کۆلبەرێن خەلکێ بانە، بۆکان و سەقزێ بریندار بوون.

ھەروھا دیار کر کو ھێزێن چەکدارێن ئیرانێ ب مەسافەیا 6 مەتران و ب گولـلەیێن ساچمە تەقە ل کۆلبەران کرنە.

ل گۆر زانیاریێن ئاژانسا نووچەیان یا کوردپا، د ناڤا دەھ سالان دا، 1506 کۆلبەر ھاتنە کوشتن و بریندارکرن. ئەڤ ئامار سالێن 2010 ھەتا 2020ێ ل خوە دگرە و ژ وێ ھەژمارێ، 515 کۆلبەر ھاتنە کوشتن و 986 کۆلبەر ژی بریندار بوونە و چارەنووسا پێنج کۆلبەران ژی، نە دیارە.

پوستێن ھەمان بەش