ل باژارێ دیلۆکێ یێ باکورێ کوردستانێ بوویەرەکا ترافیکێ روودا، ل گۆر زانیاریێن دەستپێکێ، 15 کەسان جانێ خوە ژ دەست دان و 22 کەس ژی بریندار بوون.
ل سەر رێیا ئەدەنە و دیلۆکێ ئۆتۆمۆبیلەک تووشی روودانێ بوو، پشترا ئۆتۆبوسەکا رێویان ل جھێ بوویەرێ ل ئامبوولانس و ئۆتۆمۆبیلا ئاگرڤەمراندنێ و ئۆتۆمۆبیلا وەشانا زندی یا ئاژانسا نووچەیان یا ئیخلاسێ دا.
پارێزگارێ دیلۆکێ داوود گول ل جھێ بوویەرێ راگھاند، 15 کەسان د بوویەرێ دا جانێ خوە ژ دەست دان، کو ژ وان 3 کەس کارمەندێن بەرگریا شارستانی یا باژاری، 2 کەس کارمەندێن تەندروستیێ و 2 کەس رۆژنامەڤانن.
پشتی بوویەرێ گەلەک ئامبوولانس و تیمێن پۆلیسان گھیشتن جھێ بوویەرێ.
