سازیا ئیستخباراتا مللی یا ترکیێ (میتێ) راگەھاند، د ئۆپەراسیۆنەکێ دا بەرپرسەکێ پەکەکێ ل قامشلۆ ھاتیە کوشتن.
ئیرۆ 21/8/2022یێ ئاژانسا ئانادۆلو یا نووچەیان یا فەرمی یا ترکیێ راگەھاند: یەک ژ بەرپرسێن ئاکادەمیا خەبات دێریکا لەشکەری و ئیدەۆلۆژیکا چەکدارێن پەکەکێ/یەپەگێ محیەدین گولۆ، رۆژا 9/8/2022یێ د ئۆپەراسیۆنەکا میتێ دا ل قامشلۆ ھاتیە کوشتن.”
ھەروەھا ھات راگەھاندن بەرپرسێ پەکەکێ یێ ھاتیە کوشتن، خوەدی رۆل بوویە د گەلەک ئێریشێن ل سەر ھێزێن ئەولەھیا ترکیێ ھاتنە کرن و د ناڤ رێزێن رێخستنێ دا و د چالاکیێن دژی ئارتێشا نشتمانی یا سووریێ د دەما ئۆپەراسیۆنا کانیا ئاشتی و چقلێن زەیتوونێ دا خوەدی رۆل بوویە.
ل گۆر داخویانیا ھەمان ئاژانسێ، ئەڤ بەرپرسە یەک ژ سەرپەرەشتیارێن ئاکادەمیا خەبات دێریکا پەروەردەیا چەکدارێن پەکەکێ بوویە و د وێ ئاکادەمیێ دا پەروەردەیا چەک، چێکرنا بۆمبە و کوشتن دایە چەکدارێن پەکەکە/یەپەگێ.
