پشتی 15 سالێن دوبەندیێ، ھەر دو پارتیێن رۆژھلات، پارتیا دەمۆکراتا کوردستانێ (HDK) و پارتیا دەمۆکراتا کوردستانێ-ئیرانێ (PDK-I)ێ بریارا یەکتیا خوە دان و ئیرۆ ھات راگھاندن کو رێکەفتنا یەکبوونێ ب فەرمی ھات ئیمزەکرن.
رێکەفتنا یەکگرتنێ ژ ئالیێ مستەفا ھجری سەرۆکێ پارتیا دەمۆکراتا کوردستانا ئیرانێ (PDK-I) و خالد عەزیزی سەکرەتەرێ گشتییێ پارتیا دەمۆکراتا کوردستانێ (HDK) ڤە ھات ئیمزەکرن.
پارتیا دەمۆکراتا کوردستانێ (HDK) د 16ێ تەباخا 1945ێ دا ل باژارێ مەھابادێ یێ رۆژھلاتێ کوردستانێ ژ ئالیێ سەرۆکێ کۆمارا کوردستانێ قازی محەمەد ڤە ھات دامەزراندن. د کۆنگرەیا 13ێ دا د ناڤا پارتیێ دا پارچەبوون چێبوو و 15 سالان وەکە دو حیزبان تێکۆشینا خوەیا سیاسی بەردەوام کر.
ل گۆری پەیمانێ دێ حیزب ب لۆگۆیێ HDK خەباتێن خوە برێڤە بەت. ئارمانجا سیاسی یا پارتیێ وەکە ئیرانەکا فەدەرال، دەمۆکراتیک و لاییق ھاتە دیارکرن.
