رێخستنا په‌كه‌كێ ناسنامه‌یا 3 زارۆكێن دن یێن كوردان ئه‌شكه‌ره كر یێن كو به‌ری دو مه‌هان ل باشوورێ كوردستانێ ب ده‌ستێ ئارتێشا تركیێ دانه كوشتن.
هه‌په‌گه باسكێ له‌شكه‌ری یێ په‌كه‌كێ دوهـ رۆژا یه‌كشه‌می 20\8\2022ێ ناسنامه‌یا 3 چه‌كدارێن خوه ئه‌شكه‌ره كر یێن كو مه‌ها خزیرانا ئیسال ل ده‌ڤه‌را ئاڤاشین یا باشوورێ كوردستانێ ب ده‌ستێ ئارتێشا تركیێ دانه كوشتن و پاش ده‌رباسبوونا پێتری دو مه‌هان ژ نووڤه مرنا وان راگهاند.
ئه‌ڤ چه‌كدارێن په‌كه‌كێ كو هێژان زارۆكن ب ناڤێن جانسل، سه‌حه‌ر و عه‌بدوللا نه، ژ سته‌نبۆل، رهایێ و جۆله‌مێرگێ نه.
رێخستنا په‌كه‌كێ هه‌ر ل ناڤبه‌را چه‌ند رۆژان وێنه‌یێن كۆمێن زارۆكێن كوردان د مه‌دیایا خوه ده به‌لاڤ دكه، ئه‌ڤ زارۆك ل سالێن به‌رێ هاتنه فه‌دا كرن و پاش ده‌رباسوونا سالان ژ نوو ڤه رێخستن تێ و دبێژه مه هه‌ڤالێن خوه وه‌ندا كرن.
رێخستنا په‌كه‌كێ ژ بۆی چێكرنا شه‌رڤانان، پشت به‌ستنێ ل سه‌ر ره‌ڤاندنا زارۆكێن كوردان ژ هه‌ر چار په‌رچه‌یێن كوردستانێ دكه، ئه‌ڤ یێك ژ هێلا رێخستنێن پاراستنا مافێن زارۆكان یێن ناڤده‌وله‌تی هاتیه ته‌سبیت كرن.
