بێ ئەخلاقیێن پارتیا کارکەرا ل همبەر حکوومەتا هەرێما کوردستانێ بەردەوامن

بێ ئەخلاقیێن پارتیا کارکەرا ل همبەر حکوومەتا هەرێما کوردستانێ بەردەوامن

سازیا پەکەکێ یا شەنگالێ یا ب ناڤێ مەجلیسا گەلا خانەسۆرێ داخویانیەک دا و ئیدیعا کر کو ئاخینا بچووکا 6 سالی و بابێ وێ یێن کو ل کامپا چەم مشکۆ یا ئێزدییا ل زاخۆیێ دمان، ژ ئالیێ شەبەکەیێن گرێدایی حکوومەتا ھەرێما کوردستانێ ڤە ھاتنە قەتلکرن. ئەنداما رێخستنا پەکەکێ یا شەنگالێ TAJE داخویانی خوەند. چاڤکانیێن پەکەکێ ناڤێ کەسێ کو ئەو داخویانی خوەندیە نەدان.

د داخویانیا رێخستنا ژنان یا پەکەکێ دا وھا ھات گۆتن: “ئەڤ بوویەر نە ب دەستێ یەک کەسی پێک تێن. ژ ئالیێ شەبەکەیەکا گرێدایی حکوومەتا هەرێما کوردستانێ ڤە تێ کرن. ژ بەر ڤێ یەکێ تاوانبار نایێن سزادان.” ھەر وھا ANFێ کو نووچە چێکر ژی شیرۆڤەیا خوە ل سەر زێدە کر و گۆت، ژ بۆ باب و کەچا کو ھاتنە کوشتن حکوومەتا هەرێما کوردستانێ چ زەلالکرن نەدان.

مەدیایا پەکەکێ یا کو د ھەر فرسەندێ دا دخوازە ھەرێما کوردستانێ کرێت بکە و دەستکەفتیێن کوردان یێن ل ور پاشگوھ بکە، ژ بۆ بدەستڤەئانینا ڤێ یەکێ گەلەک جاران نووچەیێن دەرەو و ساختە چێدکە.

راستی چ بوو؟

فارووق میرزا و کەچا وی ئاخین د 4ێ تەباخێ دا ژ ئالیێ کەسێ کو چووبوون سەردانا وی ھاتن قەتلکرن. پشتی کو ئەڤ بوویەر ھات بھیستن، بوو سەدەما ھێرسەکا مەزن د ناڤ خەلکێ ھەرێما کوردستانێ و ب تایبەتی ژی د ناڤ رێڤەبەریا سەربخوەیا زاخۆ دا.  

ھێزێن ئەولەھیێ د ناڤا 2 رۆژان دا کوژەر گرتن.

سەرۆکێ حکوومەتا ھەرێما کوردستانێ مەسروور بارزانی دەربارێ مژارێ دا داخویانیەک دا و گۆت کو “کوژەر دێ ب سزایێ ھەری گران هێن سزادان.”

ئارمانجا چاپەمەنیا پەکەکێ چ بوو؟

ژ دەستپێکا بوویەرێ ڤە مەدیایا پەکەکێ ھەول دا کو راڤەیەکێ ژ بۆ ڤێ مژارێ پەیدا بکە و ب ڤی ئاوایی خوەست گەلێ شەنگالێ ل دژی حکوومەتا ھەرێما کوردستانێ تەحریک بکە. لێ ھەلوەستا ھەساسا ناڤدارێن ئێزیدی و بەرپرسێن ھەرێما کوردستانێ د نێزیکاتیا وان یا ل ھەمبەر بوویەرێ دا ھێڤیێن پەکەکێ یێن ژ بۆ چێکرنا ڤێ ئالۆزیێ پووچ کر.

ژ بەر کو ڤێ بوویەرێ ل سەر مەدیایا جڤاکی گەلەک جھ گرت، مەدیایا پەکەکێ نەکاری نووچەیێن دەرەو چێبکە، ڤێ جارێ سازیا خوەیا ب ناڤێ مەجلیسا گەلا خانەسۆرێ سەفەربەر کر.

خانەسۆر یەک ژ وان ھەرێمێن شەنگالێ یە کو ھەری زێدە پەکەکە لێ کۆم بوویە. ل ڤی گوندی کادرۆیێن پەکەکێ یێن رۆژئاڤا و باکور ھەنە. ھن ژ وان د بن ناڤێ “کارێ رێخستنکرنا گرسەیی” دا تێنە برێخستنکرن و ژ ئالیێ مەجلیسا گەل و ھتد ڤە تێنە برێخستنکرن. ئەو سازیێن دن برێڤە دبن. سازیا ب ناڤێ مەجلیسا گەلا خانەسۆرێ سازیەکە کو ژ ئالیێ ڤان کادرۆیێن پەکەکێ ڤە تێ برێڤەبرنە.

یانی مەجلیسا گەلا خانەسۆرێ د راستیا خوە دا سازیەکە کو کادرۆیێن پەکەکێ تێ دا دخەبتن، گەلێ ئێزدی تەنێ ل سەر ئەکرانێ خویا دکە و رێڤەبەری نینە.

پوستێن ھەمان بەش