مەدیایا ئیرانی کوشتنا فەرماندارێ پاسدارێن ئیرانێ ئەبوولفەزل عەلیجانی ل سووریێ راگھاند.
مەدیایا ئیرانی گۆت: “عەلیجانی دەما ب ئەرکێ شێورمەندیێ ل سووریێ بوو، ھات کوشتن.”
عەلیجانی ئەفسەرێ زانینگەھا پیادەیا زانینگەھا زانست و تەکنۆلۆژیێ یا ئەمیر ئەل-موئمینین یا ھێزا بەژایی یا پاسدارێن ئیرانێ ل ئیسفەھانێ بوو.
ل گۆری ھندەک تویتەرێن چالاکڤانێن ئۆپۆزسیۆنێ ل سووریێ، ئەبوولفەزل عەلیجانی د ئەنجاما ئێریشەکا راستەراستا ئیسرایلێ یا بەری چەند رۆژان ل نێزیکی باژارێ حەلەبێ دا ھاتیە کوشتن.
ھەتا نھا ئەڤ زانیاری و ھوورگلیێن کوشتنا ئەبوولفەزل عەلیجانی ب فەرمی ژ ئالیێ ئیرانێ یان ژی رەژیما سووریێ ڤە نەھاتیە پشتراستکرن.
ل گۆر ئاژانسەکا ئیرانی، ئەبوولفەزل عەلیجانی یەک ژ شێورمەندێن لەشکەری و سەرکردەیێن ھەری ناڤدارێ پاسدارێن ئیرانێ ل سووریێ بوو. بریارە تەرمێ وی د رۆژێن بێ دا بۆ ئیرانێ بهێت ڤەگوھاستن.
ھەفتیا بۆری، ئیسرایلێ چەند جھێن ل گوندەوارێ شامێ و تەرتووسێ بۆمبەباران کربوون و ھات گۆتن کو ھێزێن ئیرانی لێ بوون.
ل گۆری شۆپینەران، ئیران ژ مژوولبوونا رووسیایێ ب ئۆپەراسیۆنا لەشکەری یا ل ئوکراینایێ کو دکەڤە مەھا خوەیا شەشەمین، سوود وەردگرە دا کو باندۆرا خوە ل سووریێ خورت بکە.
