درۆنەکا ئارتێشا ترکیێ ناڤەندا باژارێ تل رەفعەتێ بۆمبەباران کر و ل گۆر زانیاریێن دەستپێکێ ھەژمارەک سڤیل بریندار بوونە.
ژێدەرەکێ ژ باژارۆکێ تل رەفعەتێ ئەشکەرە کر، ئیرۆ دانێ سبێ درۆنەکا ئارتێشا ترکیێ ناڤەندا باژارێ تل رەفعەتێ بۆمبەباران کر و د ئەنجامێ دا 6 کەسێن سڤیل بریندار بوونە.
دەمەکە ترکیا گەفا دەستپێکرنا ئۆپۆەراسیۆنەکا نوویا لەشکەری ل تل رەفعەت و منبجێ دکە و ھێزێن زێدەتر ل نێزیکی وان ھەر دو ھەرێمان کۆم کرنە و ب ئاوایەکی بەردەوام تۆپباران دکە و د ئەنجامێ دا سڤیل دبن قوربانی.
باژارۆکێ تل رەفعەتێ 35 کیلۆمەترەیان ل رۆژھلاتێ عەفرینێ دکەڤە و مەزنترین باژارۆکێ دەڤەرا شەھبایێ یە و خوەدی جھەکی ستراتەژی د ناڤبەرا باژارێ دیلۆک و حەلەبێ دایە.
پشتی داگیرکرنا عەفرینێ ژ ئالیێ ئارتێشا ترکیێ و گرووپێن چەکدارێن سەر ب وێ ڤە، دۆرا 125 ھەزار عەفرینی ل تل رەفعەت و دەردۆرا وێ (ھەرێما شەھبایێ) ب جھ بوونە.
