ل ناڤچەیا سەرێ کانیێ یا پارێزگەھا رھایا باکورێ کوردستانێ خۆرتەکێ 16 سالی د ناڤ ئاڤێ دا خەندقی.
ھات راگھاندن کو خۆرتەکێ 16 سالی یێ ب ناڤێ ی.ی ژ بەر گەرماھیێ، ب مەبەستا ھێنکبوونێ کەتە ناڤ ئاڤا کانالا ئاڤدانیێ و پشتی دەمەکێ د ناڤ ئاڤێ دا وندا بوو.
ل سەر ئاگاھدارکرنا وەلاتیان، تیمێن تەندروستی و رێڤەبەریا گرووپا بناڤێ یا سەر ب رێڤەبەریا ئەولەھیا پارێزگەھا رھایێ گھیشتن جھێ بوویەرێ و د لێگەرینێ دا تەرمێ ی.ی ھات دیتن.
ھات ئەشکەرەکرن کو تەرمێ خۆرتێ 16 سالی بۆ تبا دادی یا رھایێ ھات ڤەگوھەستن.
