رێخستنا په‌كه‌كێ ناسنامه‌یا 3 زارۆكێن دن یێن كوردان ئه‌شكه‌ره كر كو به‌رییا 44 رۆژان ل ده‌ڤه‌را زاپێ یا ل باشوورێ كوردستانێ ب ده‌ستێ ئارتێشا تركیێ دانه كوشتن.
هه‌په‌گه باسكێ له‌شكه‌ری یێ په‌كه‌كێ ئیرۆ رۆژا یه‌كشه‌می 28\8\2022ێ ناسنامه‌یا 3 چه‌كدارێن خوه ئه‌شكه‌ره كر یێن كو ل 12ی تیرمه‌ها ئیسال 2022ێ ل ده‌ڤه‌را زاپێ یا ل باشوورێ كوردستانێ ب ده‌ستێ ئارتێشا تركیێ دانه كوشتن و پاش ده‌رباسبوونا 44 رۆژان ژ نووڤه مرنا وان راگهاند.
ئه‌ڤ چه‌كدارێن په‌كه‌كێ كو نوو كه‌تنه د ته‌مه‌نا گێنجاتیێ ده، ب ناڤێن ڤه‌دات ئه‌نگین، مەنشوورە موودیرزادە و به‌شیر ئاكباش، ژ جۆله‌مێرگێ، كۆتۆل و شرنه‌خێ نه.
رێخستنا په‌كه‌كێ هه‌ر ل ناڤبه‌را چه‌ند رۆژان وێنه‌یێن كۆمێن زارۆكێن كوردان د مه‌دیایا خوه ده به‌لاڤ دكه، ئه‌ڤ زارۆك ل سالێن به‌رێ هاتنه فه‌دا كرن و پاش ده‌رباسوونا سالان ژ نوو ڤه رێخستن تێ و دبێژه مه هه‌ڤالێن خوه وه‌ندا كرن.
رێخستنا په‌كه‌كێ ژ بۆی چێكرنا شه‌رڤانان، پشت به‌ستنێ ل سه‌ر ره‌ڤاندنا زارۆكێن كوردان ژ هه‌ر چار په‌رچه‌یێن كوردستانێ دكه، ئه‌ڤ یێك ژ هێلا رێخستنێن پاراستنا مافێن زارۆكان یێن ناڤده‌وله‌تی هاتیه ته‌سبیت كرن.
