یەنەکێ سیستەما ھەڤسەرۆکاتیێ ھلوەشاند

 ئەنجوومەنا سەرکرداتیا یەکیتیا نشتمانییا کوردستانێ (یەنەکێ) سیستەما ھەڤسەرۆکاتیێ ھلوەشاند و بافل جەلال تالەبانی وەک سەرۆکێ یەنەکێ ھلبژارد.

ئەنجوومەنا سەرکرداتیا یەنەکێ ئیرۆ ژ بۆ بریاردایینا ل سەر چەند پرسێن ناڤخوە و داگرتنا جھێ ئەندامێن کو ژ ناڤا وێ پارتیێ ھاتنە دوورخستن، ل سلێمانیێ جڤیا.

ل گۆر زانیاریان، پشتی ھلوەشاندنا سیستەما ھەڤسەرۆکاتیێ د ناڤا یەنەکێ دا، بافەل تالەبانی ب دەنگێ 90 ئەندامێن ئەنجوومەنا سەرکرداتیێ، وەک سەرۆکێ یەنەکێ ھات ھلبژارتن.

رۆژا 21ێ بەرچلەیا 2019ێ، یەنەکێ کۆنگرەیا خوە یا چارەمین گرێ دا و ئەندامێن ئەنجوومەنا بلندا سیاسی و ئەنجوونەما سەرکرداتیێ ھلبژارتن.

د 18ێ شوباتا 2020ێ دا ژی، بافل تالەبانی و لاھۆر جەنگی ژی وەک ھەڤسەرۆکێ یەنەکێ ھاتن ھلبژارتن.

د 8ێ تیرمەھا 2021ێ دا ژی، پرسگرێکێن ناڤخوەیی د ناڤا یەنەکێ دا دەرکەتن، پشترا ژی ب بریارا بافل و قوباد تالەبانی، بەرپرسێ پاراستن و زانیاریان و رێڤەبەرێ ھێزێن دژەتەرۆرێ یێن یەنەکێ ژ پۆستێن وان ھاتن دوورخستن. پشترا ژی د بەردەوامیا پرسگرێکان دا، لاھوور جەنگی و چەند ئەندامێن دنێن ئەنجوومەنا سەرکداریا یەنەکێ ھاتن دوورخستن.