پارتیا کارکەرێن کوردستانێ (پەکەکێ) خەلک و دەزگەھێن ئەولەھیێ یێن سلێمانیێ ب وێ یەکێ تۆھمەتبار کر کو جانێ کادرۆیێن خوە ناپارێزن و دەربارێ چالاکیێن کادرۆ و ئەندامێن خوە دا زانیاریان ددن دەزگەھێن ئیستخباراتا ترکیێ.
لێبەلێ پارلامەنتەرەکی یەنەکێ و جیگرێ سەرۆکێ لژنەیا ناڤخوەیا پارلامەنتۆیا کوردستانێ د وێ باوەریێ دایە کو تۆمەتبارکرنا گەل و دەزگەھێن ئەولەھیێ یێن سلێمانیێ ژ ئالیێ سازیێن سەر ب پەکەکێ ڤە وەکە سیخور و خایینێن ترکیێ، پووچ و بێبنگەھن.
ھەڤسەرۆکێ تەڤگەرا ئازادی کۆمەکا سەر ب پارتیا کارکەرێن کوردستانێ (پەکەکێ)یە کو ناڤەندا وێ و خەباتێن سیاسی ل سلێمانیێ یە و ھندەک جاران ب وێ یەکێ تێ تۆھمەتبارکرن کو د بن ناڤێ چالاکیان دا ژن و مێران ژ بۆ تەڤلیبوونا پەکەکێ ئامادە دکن.
پەکەکە گەل و دەزگەھێن ئەولەکاری یێن سلێمانیێ ب کوشتنا کادرۆیەکێ ل کفریێ تۆھمەتبار دکە و وان وەکە خاین ب ناڤ دکە و دبێژە، زانیاریێن ئیستخباراتی یێن دەربارێ کادرۆیێن وان دا ژ ئالیێ خەلکێ ڤە ب ترکیێ ھاتنە دایین و جانێ وان ژ ئالیێ دەزگەھێن ئەولەھیێ ڤە نایێ پاراستن.
ئەندامێ ئەنجوومەنا گشتی یا تەڤگەرا ئازادی سوھێل عەزیز خورشید، کو ب ناڤێ مامۆستا شەمال تێ ناسکرن، رۆژا یەکشەمێ ل قەزایا کفری ل بەر دەریێ مالا خوە ھات کوشتن.
پارلامەنتەرێ یەنەکێ و جیگرێ سەرۆکێ لژنەیا ناڤخوەیی، ئاساییش و ئەنجوومەنێن ھەرێمی ل پارلامەنتۆیا کوردستانێ بالانبۆ محەمەد عەلی دەربارێ کوشتنا کادرۆیێن پەکەکێ ل سلێمانیێ ژ (باسنیوس) را گۆت، چما و چاوا ھێزێن ئەولەھیێ بەرپرسێ جانێ سەرکردەیێن پەکەکێ نە. ژ بەر کو پرس ئەڤە: گەلۆ ھێزێن ئاساییشا سلێمانیێ دزانن چەند بارەگەھ، سەرکردە و کادرۆیێن پەکەکێ ھەنە، ژ کودەرێ دچن و کارێن وان چ نە؟
بالانبۆ محەمەد عەلی گۆت: “د دەما کو ھێزێن ئاساییشێ ب ئاوایەکی یاسایی و فەرمی بەرپرسن کو خوە ب ھێزێن ئاساییشێ بدن ناسین و ناڤەند و جھێ وان ب تەمامی ھاتیە دیارکرن، لێ ساتەلایتێن ئاساییشێ نینن کو بزانن پەکەکە ل سلێمانیێ ل کو دەرێیە، ژ بۆ پاراستنا وان تەڤبگەرن و نەبن ئارمانج.”
دەربارێ کوشتنا کادرۆیێ تەڤگەرا ئازادی دا ژی بالانبۆ محەمەد عەلی گۆت: “سووجدارکرنا دەستێن ناڤخوەیی ب کوشتنا کادرۆیێن تەڤگەرا ئازادی نە تشتەکی خوەشە و دڤێ ب دەلیلان وەرە ئاخافتن دەستەکی ھەرێمی ھەیە، چما نایێ ئەشکەرە کرن ؟ یان چما رادەستی ھێزێن ئەولەھیێ ناکن؟”
