مەسروور بارزانی: ئەم ئامادە نە ھەڤکار بن ژ بۆ ڤەگەرا ئاشتی و ئارامیێ بۆ ئیراقێ

مەسروور بارزانی: ئەم ئامادە نە ھەڤکار بن ژ بۆ ڤەگەرا ئاشتی و ئارامیێ بۆ ئیراقێ

سەرۆکوەزیرێ ھەرێما کوردستانێ مەسروور بارزانی دەربارێ رەوشا ئیراقێ دا پێوەندی ب سەرۆکوەزیرێ ئیراقێ مستەفا کازمی کر و ئامادەھیا ھەرێما کوردستانێ ژ بۆ ڤەگەراندنا ئەولەھیێ بۆ ئیراقێ نیشان دا.

سەرۆکوەزیر مەسروور بارزانی پەیامەک ل ھەژمارا خوەیا تۆرا جڤاکی “تویتەرێ” بەلاڤ کر و نڤیسی: “ئەز ژ قۆناغا نوویا توندووتووژیا ل ئیراقێ پر دلگرانم. ئەز لگەل سەرۆکوەزیرێ ئیراقێ مستەفا کازمی ئاخڤیم. حکوومەتا ھەرێما کوردستانێ ئامادەیە ھەڤکار بە ژ بۆ ڤەگەرا ئاشتی و ئارامیێ بۆ ھەموو وەلات.”

سەرۆکوەزیر مەسروور بارزانی گۆت ژی: “نھا دەما دیالۆگەکە ڤەکری و زەلال ل سەر پرسگرێکێن کوور و گرانێن کو وەلات لگەلدا رووبروویە، ھاتیە. دڤێ ئەم ھەموو ب وێرەکی جووداھیێن ھەڤ ناس بکن و قەبوول بکن. رەوشا ئەم ھەموو تێ دا نە، پێویستیا وێ ب چارەسەریەک ماییندە ھەیە.”

پوستێن ھەمان بەش