ئالیگرێن په‌كه‌كێ ب مۆلۆتۆفان ئێریشی بارگه‌ها پارتیا حه‌یده‌ر شه‌شۆ كرن
ب ده‌هان ئالیگرێن رێخستنا په‌كه‌كێ یێن ئێزدی، ئیرۆ ل ناڤچه‌یا سنوونێ ب مۆلۆتۆف و كه‌ڤران ئێریشی باره‌گه‌ها پارتیا ئێزدی ده‌مۆكراتی كرن.
ئیرۆ رۆژا سێشه‌می 30/8/2022ێ خوه‌پێشاندانه‌ك ل ناڤچه‌یا سنوونێ یا گرێدای شه‌نگالێ هاتبوو ئۆرگانیزه كرن و تێ ده پێتری 7 ژن و زارۆك و جوانێن ئێزدی یێن ئالیگرێن په‌كه‌كێ كو ژ هێلا رێخستنا جوانێن شۆره‌شگه‌ر ڤه هاتبوون هاندان، ئێریشا باره‌گه‌ها پارتیا ئێزدی ده‌مۆكراتی كرن.
چاڤكانیێن پێگه‌ها داركا مازی ئه‌شكه‌ره كر، د خوه‌پێشاندانێ ده كو به‌ر ب باره‌گه‌ها پارتیا ئێزدی ده‌مۆكراتی یا حه‌یده‌ر شه‌شۆ ڤه چوو، ئالیگرێن په‌كه‌كێ ب كه‌ڤر و مۆلۆتۆفان ئێریشا باره‌گه‌ها پارتیا ناڤبوور كرن.
هه‌روه‌ها ده‌ستنیشان كر، هێزێن ئه‌وله‌كاریێ یێن ناڤچه‌یا سنوونێ كو ژ بۆی پاراستنا خوه‌پێشاندانێ د ئه‌رك ده بوون، ره‌ڤیانه و ت به‌رته‌ك نیشانی ئالیگرێن په‌كه‌كێ نه‌دان یێن كو ب مۆلۆتۆفان ئێریشا باره‌گه‌ها پارتیا حه‌یده‌ر شه‌شۆ دكرن.
هه‌ر ل گۆری چاڤكانیێن پێگه‌ها داركا مازی، پاش خوه‌پێشاندانێ شه‌ره ته‌قه ل نێڤبه‌را هێزێن پاراستن ئێزیدخانێ یێن حه‌یده‌ر شه‌شۆ و چه‌كدارێن په‌كه‌كێ ده ده‌ركه‌تیه.
