رێخستنا په‌كه‌كێ هه‌ر رۆژ وێنه‌یێن كۆمێن زارۆك و جوانێن كوردان پارڤه‌دكه یێن كو د به‌رخوه‌دانا خوه یا ساخته ده دده كوشتن، ئیرۆ ژی ناسنامه‌یا 4 جوانێن دن راگهاند كو ل مه‌ها گولانا ئیسالێ ب ده‌ستێ ئارتێشا ده‌وله‌تا ترك دانه كوشتن.
هه‌په‌گێ باسكێ له‌شكه‌ری یێ په‌كه‌كێ، دوهـ رۆژا سێشه‌می 30/8/2022ێ ناسنامه‌یا 4 جوانێن كورد یێك ژێ زارۆك ئه‌شكه‌ره كر كو ژ مه‌ها گولانێ و هه‌یا ته‌باخا ئیسال 2022ێ ل هه‌رێما سه‌رحه‌دێ یا باكورێ كوردستانێ ب ده‌ستێ ئارتێشا ده‌وله‌تا ترك دانه كوشتن و پاش ده‌رباسبوونا ده‌مه‌ك درێژ ژ نوو ڤه هاتییه و دبێژه مه هه‌ڤالێن خوه وه‌ندا كرنه.
ئه‌ڤ چه‌كدارێن په‌كه‌كێ كو یێك ژێ هێژان ب زارۆك تێ حه‌ساب كرن، ب ناڤێن نەفیسە ئۆنگولو، میهریبان فەرجان، سەمیح سالهان
و فیکرەت تەکچە نه، ژ سێرتێ، وانێ و جۆله‌مێرگێ نه.
رێخستنا په‌كه‌كێ هه‌ر ل ناڤبه‌را چه‌ند رۆژان وێنه‌یێن كۆمێن زارۆكێن كوردان د مه‌دیایا خوه ده به‌لاڤ دكه، ئه‌ڤ زارۆك ل سالێن به‌رێ هاتنه فه‌دا كرن و پاش ده‌رباسوونا سالان ژ نوو ڤه رێخستن مرنا وان ئیلان دكه.
رێخستنا په‌كه‌كێ ژ بۆی چێكرنا شه‌رڤانان، پشت به‌ستنێ ل سه‌ر ره‌ڤاندنا زارۆكێن كوردان ژ هه‌ر چار په‌رچه‌یێن كوردستانێ دكه، ئه‌ڤ یێك ژ هێلا رێخستنێن پاراستنا مافێن زارۆكان یێن ناڤده‌وله‌تی هاتیه ته‌سبیت كرن.
