په‌كه‌كێ «ئه‌بۆ زه‌ید» ژی ب تركیێ فرۆشت

abo-zayd-pkk-kck-infaz-turkey-drone-mahmur-kamp-net

بالافره‌كه‌ ده‌وله‌تا تركیێ دو رۆژان به‌رێ ئێریشكه‌ پڕ ب دیقه‌ت ل كامپا مه‌خموورێ ئه‌نجام دا و به‌رپرسه‌كێ رێخستنێ یێ ب ناڤێ «ئه‌بۆ زه‌ید» كوشتن، «ئه‌بۆ زه‌ید» یێك ژ وان كه‌سان بوو كو ئیشێ په‌كه‌كێ پێ قه‌دیایی، ئانگۆ ئه‌و هات تاسفیه‌ كرن!.

رۆژا دوشه‌می یا رابووری 29/8/2022ێ ل ساعه‌ت 12:40 نیڤرۆژێ، بالافره‌كه‌ بێمرۆڤ یا ده‌وله‌تا تركیێ ل ل ناڤا كامپا مه‌خموورێ خست و د  ئه‌نجامێ ده‌ به‌رپرسه‌كێ رێخستنێ یێ ب ناڤێ «ئه‌بۆ زه‌ید» هات كوشتن.

چاڤكانیێن پێگه‌ها «داركا مازی» ئه‌شكه‌ره‌ كرن، جیهێ كو هاتیه‌ هه‌ده‌ف گرتن، ب تاخا 4 تێ ناسكرن و مالا به‌رپرسێ په‌كه‌كێ یێ كو ب «ئه‌بۆ زه‌ید» تێ ناسكرن لێ یه‌، «ئه‌بۆ زه‌ید» ل به‌ر ده‌ریێ مالا خوه‌ هات كوشتن‌.

مه‌دیایا په‌كه‌كێ ل هه‌مان رۆژێ گۆت كو درۆنێن تركیێ ل كامپێ خست و كه‌سه‌ك سڤیل ب ناڤێ «ئه‌بۆ زه‌ید» شه‌هید كه‌تیه‌، رۆژا ل په‌ی ئێریشێ ئانگۆ 30 ته‌باخێ، رێخستنێ مه‌راسیمه‌ك ژ بۆ ده‌فنكرنا «ئه‌بۆ زه‌ید» ئۆرگانیزه‌ كر و وێنه‌یێن ئاپۆ و ئالا په‌كه‌كێ و كه‌جه‌كێ ل سه‌ر تربا وی دانان.

گه‌لۆ كێ ئه‌بۆ زه‌ید ئێخبار كر؟

بالافرێن كه‌شفێ یێن تركیێ رۆژا ئێریشا ل سه‌ر كامپێ پر ب دیقه‌ت مالا «ئه‌بۆ زه‌ید» هه‌ده‌ف گرتن، ئانگو جیهێ كو كه‌تیه‌ به‌ر ئێریشێ خانیه‌كێ بچووكێ «ئه‌بۆ زه‌ید» لێ یه‌، ئه‌و ده‌ر ب تاخا 4 یا كامپا مه‌خموورێ تێ ناس كرن، كامپا مه‌خموورێ ته‌نێ په‌كه‌كه‌یی لێ نه‌ و تو كه‌سه‌ك دن لێ نینه‌، لۆما ب ئیحتیماله‌كه‌ پڕ مه‌زن یێن كو «ئه‌بۆ زه‌ید» ئێخبار كری و كوردیناتێن مالا وی ب بالافرێن كه‌شفێ یێن تركیێ دایین، هه‌ر هه‌ڤرێیێن وی یێن رێخستنێ بن، واته‌ رێخستنێ فه‌رمانا تاسفیه‌ كرنا «ئه‌بۆ زه‌ید» ئیمزه‌ كربوو و تشتا كو ل 29 ته‌باخێ قه‌ومی جیبجیكرنا فه‌رمانێ بوو.

رێخستنا په‌كه‌كێ ژ ده‌ستپێكا دامه‌زراندنا خوه‌ ب ده‌هان به‌رپرس و رێڤه‌به‌رێن خوه‌، هه‌ر وها ب سه‌دان كادرۆیێن خوه‌ ئینفاز كرنه‌، هه‌ر وه‌ختا كارێ په‌كه‌كێ ب كه‌سه‌كی ب قه‌ده‌، ئێدی تێ ئینفاز كرن، ب ده‌هان ناڤ و میناك هه‌نه‌، «ئه‌بۆ زه‌ید» ژی یێك ژ وانه‌ یێن كو ئیشێ رێخستنێ پێ قه‌دیایی، ئه‌و ئینفاز كر و پشتره‌ ب وێ مه‌راسیما ده‌فنكرنێ یا پڕی وێنه‌یێن ئاپۆ و ئالایێن په‌كه‌كێ، پرۆباگندا ل سه‌ر جه‌سه‌دێ وی كرن.

پوستێن ھەمان بەش